Categories Lajme

“Ndërhyrje brutale, sillet si guvernatore sovjetike”/ Berisha “shënjestron” Yuri Kim nga Kuvendi Kombëtar i PD-së

Sali Berisha, gjatë fjalës së tij në Kuvendin Kombëtar të Partisë Demokratike, ka folur edhe për ambasadoren e SHBA-ve Yuri Kim, duke deklaruar se burokratë të ambasadës, kanë ndërhyrë “brutalisht në punët e brendshme të Partisë Demokratike”.

Berisha përmendi edhe disa nga “bëmat” e Donald Lu, duke deklaruar se mbështeste qeverinë edhe pse vendi ishte mbushur me drogë.

Berisha e quajti Yuri Kim “guvernatore” që bën veprime sikur të përfaqësojë Bashkimin Sovjetik dhe jo SHBA-të.

“Është ë trishtuar dhe e dhimbshme, të shohësh ambasadoren e SHBA, të sillet si guvernatore, njëlloj si dikur ambasadori sovietik në Tiranë.

Perandoritë ndryshojnë si nata me ditët. Por mjerisht, burokratët dhe njerëzit ndonjëherë e harrojnë këtë”, tha Berisha.

“U përballëm me ndërhyrjen brutale e diplomatëve nga nje vend mik si SHBA.

Dua t’ju them këtyre zyrtarëve, se ne jemi një komb i vjetër në historinë tonë. Pakkush më shumë se ne ka patur të bëjë me superfuqitë e kohërave nga lashtësia ederi më sot.

Bashkimi Sovietik, siç e cilësoi në mënyrë gjeniale presidenti Regan, ishte perandoria e së keqes, superfuqia e totalitarizmit, e degradimit të njeriut. E mjerimit, dhunës, terrorit.

E kundërta e tij, janë SHBA-të. Perandoria e lirisë, e vlerave, vendi i madh i lirisë ka bërë për lirinë e shqitparëve, më shumë se çdo vend tjetër, por vendi i madh i lirisë ka bërë për lirinë e botës, më shumë se kushdo tjetër.

Është ë trishtuar dhe e dhimbshme, të shohësh ambasadoren e SHBA, të sillet si guvernatore, njëlloj si dikur ambasadori sovietik në Tiranë.

Perandoritë ndryshojnë si nata me ditët. Por mjerisht, burokratët dhe njerëzit ndonjëherë e harrojnë këtë.

Presidenti i SHBA-ve, me dekretin e tij, dekreton një ambasadore, përfaqësuese të vlerave të kombit të tij të madh, të interesave të lirisë, demokracisë së këtij kombi.

Po cfarë ndodh? E paimagjinueshme. Në kulmin e mbulimit me drogë të Shqipërisë, me pjesëmarrjen e policise, përfaqësuesi i vendit më të madh të lirisë, përgëzon policinë.

Në kulmin e korrupsionit dhe shndërrimin e Shqipërisë në protektorat të krimit të organizuar, përfaqësuesi i shtetit të madh, ligjërata në mbrojtje të qeverisë.

Edhe më keq akoma, në maj të këtij viti, DASH shpall non-grata Sali Berishën. Tetë vitë pasi kishte dhënë dorëheqjen nga çdo rol, njeriun që ishte lavdëruar më shumë se cdokush tjetër, nga administrata e SHBA, për luftën me sukses ndaj korrupsionit.

Shpall non-grata, njeriun që gjatë gjithë jetës nuk kishte patur kurrë një akuzë të ngritur, ndaj tij apo familjarëve të tij për korrupsion…”, tha ndër të tjera Berisha.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

SPAK sekuestron pasuritë e dy ortakëve të Evis Berberit (Emrat)

SPAK ka sekuestruar pasuritë e dy ortakëve të Evis Berberit, biznesmenëve Valter Begaj  dhe Ervis…

LEXO ME SHUME
Categories Lajme

EMRI/ Vdes në punë shqiptari në Itali, baba i katër fëmijëve

Një shqiptar vdiq i shtypur nga një ngarkesë që peshonte mbi një ton ndërsa po…

LEXO ME SHUME
Categories Lajme

Beleri dhe Goro në burg, pas tensioneve në Këshillin bashkiak të Himarës, zgjidhet kryetari i komanduar

Blerina Balaj është zgjedhur kryetare e komanduar e Bashkisë Himarë pas mbledhjes me tensione në…

LEXO ME SHUME
Categories Lajme

Ngjarja në Memaliaj, policia: 41-vjeçari qëlloi në ajër për të kanosur dy persona

Një person ka qëlluar në ajër në Memaliaj ditën e djeshme dhe si pasojë e të…

LEXO ME SHUME
Categories Lajme

Emërimi i kryetarit të përkohshëm deri në zgjedhjet e reja, mblidhet këshilli bashkiak i Himarës! Banorët përplasen me policinë

Sot në orën 10:30 nisi mbledhja e radhës në këshillin e Bashkisë së Himarës ku…

LEXO ME SHUME