Lajme

Ndërroi jetë pasi ra në kontakt me rrymën elektrike/ Familjarët: Duam trupin pa ia bërë autopsinë

Ditën e sotme u regjistrua një ngjarje e rëndë në zonën e Shkozës, ku një 25-vjeçar ra në kontakt me rrymën elektrike, duke gjetur vdekjen. I riu i cili ishte pjesë e komunitetit rom, po mblidhte hekura dhe skrap në momentin që ra në kontakt me telat e korentit. Ambulanca nuk ka mundur dot të shkojë në vendngjarje për shkak të bllokimit të rrugës si pasojë e rrëshqitjes së dherave.

Ndërkohë, pak më parë janë publikuar disa detaje të reja në lidhjen me 25-vjeçarin. Bëhet me dije se trupi i pajetë i Amarildo Basit, edhe pse ka kaluar rreth 1 orë nga ngjarja e rëndë, gjendet ende në afërsi të një kabine elektrike i shtrirë përtokë. Familjarët kanë mbërritur në vendngjarje dhe kërkojnë të marrin trupin pa iu kryer autopsia, pasi sipas tyre nëse nuk ka fraktura dihet që i riu ka humbur jetën si pasojë e rënies në kontakt me rrymën elektrike. Ata shfaqen mosbesues dhe ndaj instancave shtetërore, ku pohojnë se edhe po të ketë fakte se dikush e ka gënjyer se në kabinë nuk ka rrymë elektrike, shteti nuk do të tregojë.

Më konkretisht, familjarët e viktimës shprehen se:

Kërkojmë që ta sjellim në shtëpi. Atij korrenti i ka ra, s’ka as fraktura asgjë. Edhe po të ketë fakte ky shtet nuk tregon kush e ka futur aty. Ose ndonjë nga fshati këtu që i ka thënë nuk ka korrent dhe është futur. Duhet ta sjellin në shtëpi pa i bërë autopsinë. Unë e dua çunin te shpia pa i bërë ekspertizën fare. Çfarë shteti është ky, vdes djali i ri me katër fëmijë.

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button
Close