Komisioni i Venecias i është përgjigjur Presidentit Meta, i cili ditën e djeshme iu drejtua institucionit ndërkombëtar me një kërkesë për të marrë një opinion në lidhje me ndryshimet e njëanshme të Kodit Zgjedhor. Ndryshime këto që u ndërmorrën prej mazhorancës parlamentare por që u rikthyen sërish prej presidentit në Kuvend.

Kërkesës së Metës komisioni i është përgjigjur pozitivisht vetëm se ajo do të kryehet sipas një procedure standarte dhe jo të përshpejtuar siç u kërkua nga kreu i shtetit shqiptar. Komisioni në letrën e tij pohon se seanca e shqyrtimit të kërkesës do të mbahet në muajin dhjetor si dhe do të merren dhe vlerësimet e ODHIR

LETRA E PLOTË: I nderuar Z. President, Në përgjigje të letrës tuaj të datës 21 tetor 2020 me të cilën ju kërkoni një mendim urgjent “për procesin e ndryshimit të njëanshëm dhe të përshpejtuar të Kushtetutës dhe kodit zgjedhor të Republikës së Shqipërisë ”Kam nderin t’ju informoj se Byroja e Komisionit ka vendosur, e ndikuar nga koha e shkurtër e mbetur para seancës së ardhshme plenare dhe të kompleksitetit të çështjes, për të mos autorizuar procedurën urgjente.

Prandaj, mendimi do të përgatitet në procedurën e zakonshme dhe do t’i paraqitet seancës plenare për shqyrtim dhe miratim në dhjetor. Sipas praktikës sonë, ky opinion në parim do të hartohet së bashku me ODIHR. Shfrytëzoj këtë rast për t’ju falënderuar edhe një herë për besimin tuaj në Komisionin e Venecias