Categories Lajme

Në dy bu rgje, ngrihen 50 qe li ku do vihet në zbatim regjimi ’41 Bis’ për 270 të dënuarit ‘VIP’

Rregjimi “41 Bis”, që synon të futë në mbikqyrje të thellë të burgosurit VIP, pritet të vihet në zbatim në muajin shtator 2019. Nga kjo periudhë e në vijim rregullat dhe kontrolli i të burgosurve do të ndryshojë rrënjësisht, ku një kategori të dënuarish apo të paraburgosurish, do të verifikohen me imtësi dhe nuk do kenë shumë të drejta. “Shqiptarja.com” mëson se është krijuar një listë me 270 të dënuar që qëndrojnë në disa burgje të vendit, do verifikohen me imtësi mbi takimet që kryejnë, sjelljen e tyre në burg, etj.

Këta të dënuar janë persona të shpallur fajtorë nga gjykata akuzën e terrorizmit dhe grupeve të strukturuar kriminal, “Organizata kriminale”. Lista me 270 persona që ndodhen në burg do të verifikohet me imtësi nga shumë organe ligjzbatuese të vendit, dhe kushdo që do shkelë rregullat, do të izolohet në “kaushë” për një periudhë të gjatë, duke i hequr e drejta për takime, komunikime etj. Burgjet të cilat janë planifikuar për të vënë në zbatim rregjimi “41 bis” janë të vendosur në Peqin dhe në Tiranë, paraburgimi 313. Pikërisht në këto dy burgje, nga ana e ministrisë së Drejtësisë është montuar teknologjia e monitorimit të të dënuarve, paisje valë bllokuese dhe sisteme të tjera përgjimi. “Shqiptarja.com” mëson se vetëm në burgun e Peqinit janë bërë gati 30 qeli, ku parashikohen të mbahen të izoluar personazhet kryesorë të botës së krimit.

Ndërkohë në paraburgimin 313 në Tiranë janë bërë gati 20 qeli. Një burim pranë ministrisë së Drejtësisë i tha “Shqiptarja.com” se për momentin këto 50 qeli janë bosh dhe asnjë i dnuar nuk ndodhet aty. Burimi shtoi se pritet që në vazhdim këto qeli të mbushen me personazhet e dënuar, të listës prej 270 persona që janë vënë tashmë në verifikim e sipër nga Prokuroria e Krimeve të Rënda, Shërbimi Informativ Shqiptar, Policia e Shtetit, Agjensia e Pastrimit të Parave, Ministria e Brendshme, Drejtoria e Përgjithshme e Burgjeve dhe institucione të tjera. Për të nisur praktikën e verifikimit të këtyre personave, gjatë muajit gusht 2019 ministrja e Drejtësisë Etilda Gjonaj ka zhvilluar disa takime me drejtuesit e këtire institucione, të cilat tashmë kanë vendosur piketat se cilët persona do verifikojnë.

Sipas ligjit, autoriteti që firmos mbi regjimin e ashpër duke future në izolim të thellë një të dënuar është ministrja e Drejtësisë Etilda Gjonaj, e cila këtë vendim e mer vetëm pasi është njohur me një mori informacionesh nga institucionet e mësipërme. Për shkak se çështja është ende në proces nuk jepet identiteti i 270 të dënuarve të cilët dyshohet se kontaktojnë dhe ndërveprojnë nga burgu dhe jo vetëm me ushtarët e tyre, por edhe me anëtarë të grupeve të tjera.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Dita e sotme me kthjellime dhe vranësira. Temperatruat do te jenë me rritje

Anticikloni subtropikal po ndikon Europën Juglindore, ku presim stabilitet të kushteve atmosferike në territorin e…

LEXO ME SHUME
Categories Lajme

Ngacmimi nga interneti, Tirana në vend të parë për numrin e denoncimeve. Kuçova renditet e dyta

Bullizimi dhe dhuna përmes rrjeteve sociale po përhapet edhe në qytete të vogla. Kuçova, është…

LEXO ME SHUME
Categories Lajme

Horoskopi, 29 Mars 2024

Dashi Kjo ditë do ju gjejë më produktiv dhe krijues, qoftë në sferën profesionale edhe…

LEXO ME SHUME
Categories Lajme

SPAK lëshon 9 urdhër-arreste për ish-zyrtarë së Bashkisë Tiranë e biznesmenë (Emrat)

Disa ish-zyrtarë të Bashkisë së Tiranës kanë përfunduar në prangat e policisë me urdhër të…

LEXO ME SHUME
Categories Lajme

Përplasi makinën me të cilën po transportonte emigrantët e paligjshëm dhe u largua, arrestohet italiani në Korçë

Policia ka arrestuar në Korçë një shtetas italian, Massimo Compagnone, i cili përplasi automjetin me…

LEXO ME SHUME