fbpx
Lajme

Në kohë rekord, nënë Frida dhe djali i sëmurë hyjnë në shtëpi të re!

Një javë më parë, nënë Frida dhe djali i saj bënin thirrje për ndihmë. Jetonin në kushte çnjerëzore në godinë të rrënuar në kryeqytet. Jeta për ata nuk ka qenë aspak e lehtë. 60-vjeçarja edhe pse me shëndet të rënduar, i duhet të kujdeset për djalin, i cili vuan nga sëmundja e epilepsisë. Së bashku me Fridën, e cila ka tensionin dhe sëmundjet e zemrës, çdo javë ata përfundojnë në spital.

“Veç me lot i kaloj netët e ditët. Kam mbi 10 vjet që jetoj këtu, nuk kam as lekë për qiranë. Nuk më dalin as për ilaçet, jo më për gjëra të tjera. Ngela duke shkuar sa në spital e urgjencë, jam shumë sëmurë. Po vdesim të dy në këtë shtëpi. Të kishim të paktën një kasolle, një dhomë ku të fusim kokën. Kemi 8 muaj që jemi në terr, vjen darka e vetëm më qiri e kalojmë.”

Prej situatës së rëndë ku ndodheshin nënë e bir, “Fundjavë Ndryshe” në një kohë shumë të shkurtër arriti t’i sigurojë një banesë atyre. Pas kaq shumë vitesh, tashmë ata nuk do të vuajnë më të ftohtin apo errësirën.

“Shtëpinë e kemi gjetur me shumë mundim, pasi Tirana është shumë e vështirë. U munduam të plotësojmë edhe kërkesat familjes, e donin shtëpinë afër spitalit.

Gjetëm një shtëpi me qira, e kemi marr pa afat që familja të rrijë qetësisht aty. Jemi në kërkim të një bamirësi, e deri sa të gjendet ne kemi angazhuar strukturën tonë për të menaxhuar rastin, e të mos i linim të jetonin në ato kushte të tmerrshme.

Ne do t’i ndjekim në vazhdim edhe për problemet shëndetësore. Do t’i ofrojmë atyre nga farmacia e Fundjavës gjithë ilaçet që ne kemi për problemet që ato kanë. Janë ilaçe të cilat vijnë ngë Shtetet e Bashkuara të Amerikës. Po ashtu, do t’i ndjekim me gjithë vizitat e nevojshme mjekësore,” shtoi Arbër Hajdari gjatë emisionit “Historia e Fundjavës”.

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button