Kryeministri Edi Rama në cilësinë e kreut të OSBE-së, gjatë një interviste për gazetarët foli në lidhje me vijimësinë e negociatave për zgjidhjen e krizës në Bjellorusi. Rama tha se ditën e sotme në mbledhjen e Këshillit Special të organizatës, ambasadori i Bjellorusisë nuk e refuzoi ftesën për dialog që u ofrua.
I pyetur se kur do të shkojë në Bjellorusi, Rama tha “Nuk e di, këtë nuk e di askush, nga ana bjelloruse nuk ka refuzim, edhe sot ambasadori i tyre nuk ishte aspak refuzues, thjesht tha që në kohën e duhur do të japim përgjigjen tonë. Koha e duhur përcaktohet për tyre, kështu funksionon OSBE-së. Kemi pasur një ndërveprim pozitiv edhe palën amerikane, që kemi qenë dje, kemi diskutuar në darkë, edhe me palën ruse, që e diskutuam në një mëngjes pune, edhe me miqtë e pandarë gjermanë, edhe me të tjerët. Por e përsëris që ky është një nder i madh për Shqipërinë, ku udhëheq OSBE-në. Në këtë detyrë ne po shkëlqejmë” tha ai.
Kryeministri Rama i cili ndodhet në Vienë për të zgjidhur krizën e Bjellorusisë në cilësinë e drejtuesit të OSBE-së është pyetur dhe per deklaratat e presidentit Meta në lidhje me zgjerimin me 12 milje në det të Greqisë. “Këtu te presidenti duhet të informohet mirë, të bëjë atë ca duhet të bëjë dhe të mos ngatërrojë të drejtën e Greqisë me Kushtetutën.
Për fat të mirë të Kushtetutës nuk ka lidhje fare presidenti këtu me Greqinë dhe të ushtrimin e së drejtës që ia jep konventa. Është si kanionet e Skraparit ka shkëmbinj në një anë shkëmbinj nga ana tjetër. Shkëmbinjtë marrin secili pjesë nga ajo pjesë ujore në mënyrë të barabartë. Dhe kështu presidenti të jetë shumë i qetë se s’ka rafting me Kushtetutën”, tha Rama.