Trupi i pajetë i Aldi Ramës është tërhequr nga morgu në Tiranë. 21-vjeçari i cili vrau nënkomisarin Saimir Hoxha në Lezhë dhe më pas veten do të varroset nesër në Durrës.
Për ceremoninë mortore do të kujdeset e ëma. Aldi Rama rritur nga prindër të divorcuar teksa dy ditë më parë vrau nënkomisarin Hoxha pasi ky i fundit i kërkoi në Kune Vain dokumentet e identifikimit.
Ai e qëlloi në qafë dhe gjoks, teksa pas katër orësh në arrati qëlloi dhe veten. 21-vjeçari ndërroi jetë ditën e djeshme në spitalin e Traumës duke mos i mbijetuar dot plagëve të marra në kokë.