Ndërsa në gjykatën e Durrësit ka nisur procesi për vlerësimin e masave të sigurisë për 17 të arrestuar dhe 1 të shpallur në kërkim, zyrtarë policie dhe të pushtetit vendor, njëri prej të akuzuarve ka pasur probleme shëndetësore.

Bëhet fjalë për Agim Osmanin, ndihmës specialist në policinë e Durrësit, i arrestuar tre ditë më parë. Osmani, mësohet se ka pasur shqetësime në zemër, gjë që ka bërë që nga salla e gjyqit të zhvendoset drejt spitalit rajonal për të marrë ndihmën mjekësore.

Të arrestuarit akuzohen se kishin krijuar një mekanizëm korruptiv me qëllim përfitimin e parave, ndërsa në këmbim jepnin lejet për ndërtime të shumta të paligjshme si objekte banimi, magazina, objekte biznesi etj.