Lajme

Ngjarja e rëndë që tronditi Berlinin, si njiheshin në zonë dy shqiptarët

Ashtu siç dhe e kemi raportuar më herët një shqiptar u vra të shtunën, ndërsa ishte rrugës për të shkuar tek familja e tij në kryeqytetin e Gjermanisë.  Blendi G, 47 vjeç, punonte si roje në dyqanin e Boss në Berlin. Ai po kthehej në shtëpi pas një feste.

200 metra pa mbërritur tek familja, një person me pulovër të bardhë i del përpara dhe e qëllon për vdekje. Autori i krimit qëllon edhe mbi veten duke humbur edhe ai jetën.

Një dëshmitar tha se tentoi që të ndihmonte Blendin, por ishte e pamundur.

‘Ai mori dy-tre herë frymë dhe ndërroi jetë’. Policia beson se edhe autori i krimit ishte shqiptar, rreth 60 vjeç.

Blendi G., nga Tirana, jetonte prej vitesh në Gjermani. Nuk dihen arsyet e krimit të rëndë. Policia tha se po merr në pyetje disa dëshmitarë.

‘Motivet e krimit janë plotësisht të paqarta,’ tha një zëdhënës policie. Për shkak se në rrugën ku ndodhi krimi, nuk kishte shumë lëvizje, policia shpreson që të gjejë dëshmitarë që kanë parë ngjarjen.

Policia nuk e përjashton mundësinë që motivi i krimit të vijë nga çështje private. Të dy burrat ishin regjistruar në të njëjtën adresë në Berlin. Blendi la pas gruan dhe dy fëmijë, vajzën 6 vjeç dhe djalin 14 vjeç.

Një mik i tij tha se Blendi ishte njeri familjar dhe nuk dilte shumë dhe as nuk shoqërohej me shqiptarë. ‘Nuk mund ta kuptoj pse duhej të vdiste,’ tha ai. ‘Ishte tip i këndshëm dhe nuk kishte armiqësi’.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: