Lajme

Ngjarje e rëndë/ Merr flakë banesa në Tiranë, humb jetën foshnja 6-muajshe, një grua niset me urgjencë në spital

Një ngjarje e rëndë është shënuar pas mesnatës së të enjtes në një familje në Tiranë, ku për shkak të flakëve të zjarrit ka humbur jetën një foshnje 6 – muajshe dhe është plagosur gjyshja.

Një nga fqinjët e kësaj familje teksa ka folur për mediat ka treguar detaje nga ngjarja tragjike.

Sipas saj foshnja kishte dalë gjallë nga banesa dhe mjekët i dhanë menjëherë ndihmën e parë, por për fat të keq humbi jetën në spital.

“20-30 vjet kanë që rrinë këtu, janë njerëz të mirë dhe të urtë. Jetonte me gocën që kishte fëmijën 6-muajsh, gocën e kishte të divorcuar. Kushte siç jetojnë gjithë shqiptarët, në ato kushte ishin. Të gjithë ne i dhamë ndihmën e parë. Qante çuni i vogël me ulërima, bërtiste foshnja, ulëriste.

Hyri goca brenda me uje me gjera, por ishte e pamundur. Janulla (gjyshja) tha kam qenin, e harroi djalin. Pastaj tha uaaa kam foshnjën. Bërtiti e uleriti. Nëna e fëmijës kishte dalë të pinte kafe. Kaq ishte gjithë skema. Tym i madh, kur dolëm ne çfarë të shikonim. Vajza mori direkt zjarrfikësen. Zjarrfikësja erdhi shpejt, por kur e kanë nxjerrë polici foshnjën po qante. E mori nipi im e futi në ambulancë, fëmija ishte gjallë. I vunë aparatet, por kishte vdekur në spital”, tha fqinja.

Artikuj të ngjashëm

Leave a Reply

Your email address will not be published.

Back to top button
Close