Nis puna në terren për rehabilitimin e rrugës Peshkëpi-Selenicë. Damian Gjiknuri, kandidati për deputet i PS-së, në qarkun Vlorë, bëri të ditur se, me firmosjen e kontratës mes Fondi Shqiptar të Zhvillimit dhe kompanisë fituese nesër nis puna në terren për rehabilitimin e rrugës Peshkëpi-Selenicë.
“Me kënaqësi ndaj me ju lajmin e mirë se me firmosjen nga Fondi Shqiptar i Zhvillimit të kontratës me kompaninë fituese dhe me miratimin e sotëm të lejes infrastrukturore nga Bashkia, ditën e nesërme nis puna në terren për rehabilitimin e rrugës Peshkëpi-Selenicë”- tha Gjiknuri. Gjiknuri theksoi se “ky është një angazhim i marrë, investim i shumëpritur, i merituar për banorët por dhe i keqpërdorur fatkeqësisht nga kundërshtarët politik”.