9 muaj nga tërmeti i 26 nëntorit në Durrës, ka nisur riparimi i banesave pa dëmtime në strukturë. Janë mbi 10 mijë familje që do të përfitojnë nga grantet e rindërtimit, ku gati gjysma i kanë marrë fondet. Kryetarja në detyrë e bashkisë Durrës vizitoi disa prej objekteve. ”Kemi likuiduar rreth 6100 familje në qytetin e Durrësit me vlerë rreth 20 milionë dollarë.
Kemi miratuar në 10 ditëshin e parë të muajit gusht një dhe një listë tjetë ku aplikuan persona të tjerë në muajin korrik. Aata që kishin mbetur prapa, emigrantët apo persona të pamunudr të paraqiten pranë njësive në muajt janar dhe shkurt.”
Janë gjithsej 10,220 familje që kanë përfituar nga granti i rikonstruksionit, për dëmet të klasifikuara si DS1-DS2-DS3, dhe deri tani janë likujduar rreth 6100 familje, të cilat me fondet e marra po kryejnë punimet në apartamentet e tyre. Paralelisht me riparim e dëmeve në banesa, bashkia thotë se ka nisur puna edhe për rregullimet në ambientet e përbashkëta të pallateve.
”Po bëjmë procedurëm, hapim garën për të përzgjedhur firmat që do bëjnë këto riparime. Të gjitha apartamentet që banorët po i rregullojnë vetë, duke u lidhur me këtë proces pune për riparimin e ambienteve të përbashkëta, objektet do të kthehen të banueshme dhe do jemi të gati të akomodojmë familjarët e të shkëpusim procesin e bonusit të qerasë.” Ndërsa në lidhje me procesin e rindëtimit, bashkia Durrës sqaron se deri tani është vendimi për ndërtimin e 32 objekteve të reja në të njëjtin vend. Në tetor pritet të nisë puna me tre pallatet e para.