Ka nisur procesi gjyqësor ndaj Ahmet Ajetin, i cili në vitin 2005 tentoi të vriste Lulzim Berishën. Berisha i dëmtuar nga vepra penale u perfaqësua nga avokati i tij Detar Hysi.
Avokati Saimir Visha kërkoi gjykim të shkurtuar kërkesës që u refuzua nga gjykata. Në seancën e radhës do të thirret për t’u pyetur Lulzim Berisha , Adriatik Coli, Sardja Sulejmani dhe Endrit Dokle. Kujtojmë që Adriatik Coli është i penduari i bandës.
Çështja për Ahmet Ajetin u hap një muaj më parë nga Gjykata e Apelit për Krimet e Rënda në Tiranë. Ajeti është dënuar në mungesë me 20 vjet burg për tentativë vrasje dhe u ekstradua nga Lipjani i Kosovës, në Shqipëri tre muaj më parë. Pas ekstradimit, Ajeti kërkoi rihapjen e çështjes, dhe rishqyrtimin e dosjes në prani të tij.