Categories Lajme

Një i vrarë e një i plagosur në shëtitoren e Sarandës/ Prokuroria mbyll hetimet dhe çon dosjet në gjykatë!

Prokuroria e Sarandës ka myllur hetimet për dy ngjarje të rënda që kanë ndodhur në muajt prill dhe qershor të këtij viti në zonën e shëtitores në qytetin bregdetar.

Bëhet fjalë për plagosjen me thikë të 29-vjeçarit Dino Majko, për të cilin në kërkim është 37-vjeçari Enivled Aliaj.

Ngjarja e rëndë ndodhi mbrëmjen e 9 prillit të këtij viti, në një lokal në shëtitoren e qytetit, ku Aliaj tentoi të vriste, duke goditur disa herë me thikë 29-vjeçarin Dino Majko, duke e lënë të plagosur rëndë ndërsa vetë u largua në drejtim të paditur.

Korrespondentja e Panorama.al raporton se 1 muaj para ngjarjes Aliaj i kishte dëmtuar me thikë gomat e makinës Majkos dhe dy ditë pas kësaj kishte kanosur me thikë brenda ambienteve të Spitalit të Sarandës ish-bashkëshorten e tij.

Për këtë ngjarje ndaj Aliajt ka një masë të dytë sigurimi “Arrest në burg” dhënë nga Gjykata e Apelit Gjirokastër në 5 maj për veprën penale “dhunë në familje” pasi më parë Gjykata e Sarandës e kishte lënë të lirë madje duke e quajtur arrestin të paligjshëm.

Ndërkohë në Gjykatë është dorëzuar edhe dosja në ngarkim të Jorgo Golemajt, 43 vjeçari i cili qëlloi për vdekje me thikë 40-vjeçarin Kledi Koka.

Ngjarja ndodhi në 7 qershor të këtij viti pas një konflikti në shëtitoren e qytetit. Pasi e qëlloi me thikë, Koka ndërroi jetë në spitalin e Sarandës.

Golemaj pretendon se ngjarja ka ndodhur pasi ishte goditur më parë nga viktima pas një konflikti verbal por gjithsesi ka shprehur pendesë për ngjarjen, shprehur kjo edhe në   seancën për caktimin e masës së sigurisë.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Euro shënon rritjen më të lartë të vitit, prej muajit gusht. Çfarë pritet në vijim!

Kursi i këmbimit të Euros me Lekun shënoi një rritje të fortë ditën e djeshme.…

LEXO ME SHUME
Categories Lajme

Akuzohen se mësonin djalin të shante në TikTok, Apeli vendos për Kumarakun dhe nënën e tij

Gjykata e Apelit ka lënë në burg Armando Kumarakun dhe nënën e tij, Natasha Rombula,…

LEXO ME SHUME
Categories Lajme

Vrau gruan rumune me çekiç, dënohet me 24 vite burg shqiptari në Itali

Avni Meçja, i akuzuar për vrasje të rëndë për vrasjen e partneres së tij Alexandra…

LEXO ME SHUME
Categories Lajme

Elbasan\ Morën peng 68 vjeçarin për t’i grabitur paratë, pranga 47 vjeçares dhe bashkëpunëtorit të saj

Elbasan, Si rezultat i reagimit të menjëhershëm të shërbimeve të Komisariatit të Policisë Elbasan, finalizohet…

LEXO ME SHUME
Categories Lajme

Fier/ U përplas nga “Fouristrada”, ndërron jetë në spital 50-vjeçari

Gjatë mbrëmjes së djeshme (27 mars) një aksident i rëndë ndodhi në vendin e quajtur…

LEXO ME SHUME