Të dashur maturantë, Prej datës 29 Korrik deri më 03 Gusht 2021, ju mund te plotësoni në portalin e aplikimit universitar U-Albania, Formularin A2. Ju ftojmë të zgjidhni si preferencë të parë, programet e studimit që ofron Universiteti “Ismail Qemali” Vlorë.
Për vitin akademik 2021-2022, Universiteti “Ismail Qemali”, Vlorë, vjen më një ofertë akademike të larmishme me 27 Programe të Nivelit Bachelor, 1 Program të Integruar të Studimeve të Ciklit të Dytë, si dhe me 2 programe studimi me Karakter Profesional.
Programet e studimit janë jo vetëm në përputhje me nevojat e tregut të punës në nivel kombëtar dhe rajonal, por njëkohësisht i janë nënshtruar vlerësimit të jashtëm dhe akreditimit prej Agjencisë e Sigurimit të Cilësisë së Arsimit të Lartë, duke përfunduar me sukses këtë proçes. Fakt i cili e rendit dhe diferencon Universtetin “Ismail Qemali”, Vlorë si ndër të vetmet universitete publike që ka realizuar këtë proçes për të gjitha programet Bachelor.
Sjellim në vëmendjen tuaj se Maturantët/kandidatët, që aplikojnë për t’u pranuar në programet e studimeve dyvjeçare me karakter profesional nuk kanë detyrimin të plotësojnë kriterin e notës mesatare, kriteri i përzgjedhjes është veçse përfundimi i studimeve në arsimin e mesëm të lartë ( diplomë e shkollës së mesme).
Për tu rregjistruar në Programet e Bachelor dhe DND (Diplomë e Integruar e Nivelit të Dytë), ju duhet të gruponi programet sipas kriterit të mesatares.
Bashkëlidhur gjendet lista e plotë e ofertës akademike, së UV-së.
Suksese! Ju mirëpresim në “ Universitetin Ismail Qemali”, Vlorë !
- Fakulteti i Ekonomisë
- Bachelor në “Administrim Biznesi”;
- Bachelor në “Kontabilitet”;
- Bachelor në “Financë”;
- Bachelor në “Marketing”;
- Bachelor në “Ekonomiks”;
- Bachelor në “Manaxhim Turizmi”;
- Fakulteti i Shkencave Humane dhe Drejtësisë
- Bachelor në “Histori- Gjeografi”;
- Bachelor në “Mësuesi për Arsim Fillor”;
- Bachelor në “Pedagogji e Specializuar”;
- Bachelor në “Mësuesi për Arsim Parashkollor”;
- Bachelor në “Gjuhë Italiane”;
- Bachelor në “Gjuhë Angleze”;
- Bachelor në “Gjuhë Shqipe dhe Letërsi”;
- Diplomë e Integruar e Nivelit të Dytë në Drejtësi;
- Bachelor në “Media, Komunikim dhe Trashëgimi Kulturore” me dy profile: “Gazetari dhe Multimedia” dhe “Trashëgimi Kulturore”
- Fakulteti i Shëndetit Publik
- Bachelor në “ Infermieri e Përgjithshme”;
- Bachelor në “ Infermieri Mami”;
- Fakulteti i Shkencave Teknike dhe Natyrore
- Bachelor në “ Inxhinieri Elektrike”;
- Bachelor në “Inxhinieri Mekanike”;
- Bachelor në “Inxhinieri Navale”;
- Bachelor në “Biologji”;
- Bachelor në “Kimi”;
- Bachelor në “Matematikë”;
- Bachelor në “Fizikë”;
- Bachelor në “Navigacion”;
- Bachelor në: “Informatikë”;
- Bachelor në: “Shkenca Kompjuterike”;
- Bachelor në: “Teknologji Informacioni”;
- “Teknik Laboratori Kimik”, 2 vite akademike, me karakter profesional.
- “Akuakulturë dhe higjenë e produkteve të peshkimit”, 2 vjet me karakter profesional
