“Mjaftonte që të thonin rroftë partia dhe ishin në rregull. Nuk kam thënë asigja deri tani, për shkak të një zotimi që kam bërë, por më besoni, s’ka të krahasuar me atë që gjetëm. Po ta heq kapakun unë… as në rrugë nuk u flet kush!”, është shprehur Ndreu ditën e sotme përpara Këshillit të Bashkisë.
“Hiqeni nga mendja,” ka vazhduar më tej ai, “ne nuk i japim rrogë askujt që të flejë gjumë të shpia”, ne u japim rrogën atyre që bëjnë punën, dhe u japim punën atyre që e meritojnë rrogën.”
Kryebashkiaku Ndreu ka qënë tepër i prerë në fjalën e tij në Këshill ditën e sotme, ai ka folur për një sërë çështjesh dhe problematikash, por njëkohësisht nuk ka hezituar të heqë paralele me atë çka gjeti, ç’ka po bën dhe saj që ka në plan të bëjë për Lezhën.
“Nuk ka rëndësi, nëse flej në Lezhë, në Tiranë apo në Pekin, unë vij këtu, respektoj orarin e punës, dhe për sa kohë jam në punë unë nuk fle gjumë.”, është shprehur Ndreu.