Pas skandalit me ish agjentin e FBI Charles Mc Gonigal dhe takimet e fshehta me kryeministrin Edi Rama, ky i fundit ka reaguar disa ditë pasi nuk ishte shfaqur në publik dhe rrjete sociale.
Me një filxhan kafeje në dorë, Rama tha se ishte i sëmurë me grip dhe u kërkoi shqiptarëve që të kenë kujdes edhe ata me gripin.
Po ashtu ai ka theksuar se gjatë kësaj kohë ka komunikuar me skuadrën qeverisëse për financat dhe politikat e reja mbështetëse.
“Fillimjavë të mbarë. Bëni kujdes me këtë flamën gripale që është vërdallë se e hoqa vetë dhe s’të bën për burrë sic thonë tironsit. Nuk e kam ndalur komunikimin me skuadrën time, sidomos me financat për politikat e reja mbështetëse. Duke nisur nga pagat e reja minimale, mbështetja për kategorinë e vecantë të skuadrave, mbështetja me strehim e mjekëve, ushtarakëve, policëve, paga tjetër për pensionistët. Na vjen mirë që pakoja e madhe ka lehtësuar ndjeshëm dhe vihet re edhe në rritje të konsumit. Pa diskutim që duhet akoma, sidomos me ata që punojnë me pagë minimale në sektorin privat”, tha Rama.
