Policia ka bllokuar sërish ditën e sotme parkun e Liqenit Artificial. Pavarësisht se pensionistët apo nënat me fëmijë kanë leje për të lëvizur ditën e sotme, ata nuk janë lejuar që të shëtisin në parkun e Liqenit.
Policia ka nxjerrë nga parku të gjithë qytetarët që kishin dalë për shëtitje në këmbë apo me biçikletë, pa dhënë ndonjë arsye. “Të lutem, nuk lejohet zotëri”, dëgjohen efektivët teksa i drejtohen qytetarëve.
Ditën e djeshme ndërkohë përfaqësues të shoqërisë civile dolën në protestë kundër mbylljes së parkut të Liqenit. Protesta u inicuar nga aktivisti Erion Kristo në rrjetet sociale dhe gjeti mbështetjen e dhjetëra qytetarëve. Ata u përballën me një postobllok policie, të cilin e thyen dhe vijuan protestën.