Categories Lajme

Nuk miratonte lidhjen me të dashurin 15 vite më të madh, babë e bir rrëmbejnë vajzën 22-vjeçare

Një ngjarje e rëndë është shënuar në shtetin fqinj. Një 50-vjeçar shqiptar në Greqi ka rrëmbyer vajzën e tij 22-vjeçare, pasi kjo e fundit kishte një lidhje me një 37-vjeçar. Familja nuk e miratonte këtë lidhje.

Policia e Sigurimit në Kypseli po heton ngjarjen.

Sipas denoncimit, babai 50-vjeçar së bashku me djalin e tij 21-vjeçar, kanë kryer rrëmbimin e 22-vjeçares.

Dy burrat së bashku me një shok të tyre, pasditen e së dielës kanë dalë me makinë në rrugët e Kypselit dhe kanë nisur të kërkojnë të renë.

Pasi e kanë lokalizuar duke ecur së bashku me të dashurin e  saj 37-vjeçar, kanë zbritur nga automjeti i tyre dhe me forcë verbale e fizike kanë kapur të renë.

Babë e bir e çuan në një apartament të nëndheshëm në Kaosariani.

Ata ishin kujdesur t’i merrnin celularin 22-vjeçares , në mënyrë që ajo të mos mund të kërkonte ndihmë ndërkohë që e kishin mbyllur në apartament.

Babë e bir u përpoqën me orë të tëra ta bindnin që të hiqte dorë nga lidhja e saj, ndërsa përpiqeshin të siguroheshin që ajo të mos informonte Policinë.

Skena zgjati deri mëngjesin e së hënës kur vajza kërkoi të shkonte në tualet dhe arriti të kërkonte ndihmë, shkruan protothema.

Pas pak minutash në vendin e ngjarjes mbërriti policia dhe pasi trokitën në derën e bodrumit e zbuluan se çfarë po ndodhte.

Të gjithë u  dërguan në komisariat dhe 22-vjeçarja denoncoi babanë, vëllain dhe personin e tretë.

Dy të parët janë arrestuar dhe ndaj tyre është ngritur procedimi për veprën penale të rrëmbimit të personit në komplot, ndërsa tani fjalën e ka Drejtësia

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

SPAK sekuestron pasuritë e dy ortakëve të Evis Berberit (Emrat)

SPAK ka sekuestruar pasuritë e dy ortakëve të Evis Berberit, biznesmenëve Valter Begaj  dhe Ervis…

LEXO ME SHUME
Categories Lajme

EMRI/ Vdes në punë shqiptari në Itali, baba i katër fëmijëve

Një shqiptar vdiq i shtypur nga një ngarkesë që peshonte mbi një ton ndërsa po…

LEXO ME SHUME
Categories Lajme

Beleri dhe Goro në burg, pas tensioneve në Këshillin bashkiak të Himarës, zgjidhet kryetari i komanduar

Blerina Balaj është zgjedhur kryetare e komanduar e Bashkisë Himarë pas mbledhjes me tensione në…

LEXO ME SHUME
Categories Lajme

Ngjarja në Memaliaj, policia: 41-vjeçari qëlloi në ajër për të kanosur dy persona

Një person ka qëlluar në ajër në Memaliaj ditën e djeshme dhe si pasojë e të…

LEXO ME SHUME
Categories Lajme

Emërimi i kryetarit të përkohshëm deri në zgjedhjet e reja, mblidhet këshilli bashkiak i Himarës! Banorët përplasen me policinë

Sot në orën 10:30 nisi mbledhja e radhës në këshillin e Bashkisë së Himarës ku…

LEXO ME SHUME