Kryetari i Bashkisë së Tiranës, Erion Veliaj, mori pjesë së ot në një organizim të Ministrisë së Mbrojtjes, nga ku foli edhe për projektin e Unazës së Madhe. Ai u shpreh se ky është një projekt që i duhet vendit, ndërsa hoqi paralele edhe me Kabulin, ku tha se ndërsa Shqipëria çon paqeruajtës atje, ata kanë unazë, ndërsa Kryeqyteti ynë nuk ka.
Më tej ai nuk ka ngurruar t’i krahasojë protestuesit me talebanët, ndërsa tha: “Ne në Tiranë diskutojmë të çojmë paqeruajtës në Kabul, dhe s’kemi unazë. Dhe ndërkohë kërkojmë të zgjidhim dhe të çlirohemi nga Kabuli brenda vetes, nuk flas për Kabulin si vend, flas për Kabulin si mentalitet. Se çfarë ndodh në Kabul, një minorancë mundohet t’i ushtrohet gjithë shumicës tjetër, thonë do ta bëjmë siç e kishim ne. Dhe quheshin talebanë”
Duke hequr këtë paralela, Veliaj u shpreh: “Civilizimi fitoi mbi talebanët, u tha jo, ju jeni një pakicë, po të doni votoni, sa vota të merrni, aq do shkoni në Parlament, por ju nuk keni të drejtë të vini autobomba dhe të hidhni në erë gjithë Kabulin, apo gjithë Afganistanin, sepse civilizimi, ku edhe ne bëjmë pjesë si paqeruajtës, nuk e lejon këtë. Atëherë do të duam të zgjidhim edhe Kabulin që ne kemi në kokë. Dikush që ka zaptuar, nuk e mban dot peng qytetin”.
