Një shqiptar 40-vjeçar u arrestua nga oficerët e komisariatit në Montecatini në Itali, i akuzuar për përndjekjen ndaj ish-partneres së tij.
Veprimet e burrit kishin detyruar gruan të ndryshonte vendbanim. Ngjarja ndodhi në provincën e Pistoia.
Marrëdhëniet mes të dyve u përkeqësuan që kur gruaja vendosi të ndërpresë lidhjen me burrin. Që nga ai moment, kishin filluar ofendimet dhe kërcënimet ndaj saj, duke shkuar çdo natë në shtëpi dhe vendin e punës si dhe duke e kërcënuar nëpërmjet telefonit. Në këtë mënyrë, gruaja u detyrua të shpërngulet nga krahina.
Në një rast, 40-vjeçari kishte hyrë në zyrën e ish-partneres, duke kërcënuar një punonjës të tij i cili kishte rrëmbyer telefonin me të cilin kishte telefonuar policinë. Burri tani është nën arrest shtëpiak.