Naftëtarët e Ballshit janë në ditën e dytë të grevës së urisë, ndërkohë që kanë paralajmëruar se nuk do të tërhiqen nga kërkesat e tyre për marrjen e pagave. Bëhet me dije se momentalisht janë futur në grevë urie 10 naftëtarë, të cilët tashmë shprehen se i kanë të qarta kërkesat e tyre. “Mundësia jonë e vetme është vetëm greva e urisë. Këtu është një brez që kërkon ligje. Kjo është një grevë urie ekonomike. E gjithë jeta është lidhur me rafinerinë e naftës. Ne jemi shumë të qartë me kërkesën tonë. Artikulimi ynë është i qartë. Nuk ushqehen familjet tona me Kodin Elektoral, që po e bëjnë vetëm për të mbajtur pushtetin e vet. Nëse vendimi i gjyqit nuk zbatohet në Shqipëri kujt do ti drejtohemi ne.
Me grevën e urisë ka ndodhur dhe një keqkuptim sikur ne e toleruam. Ne ulëm kërkesat tona, por ishin të qarta të merrnim tre paga dhe të fillonte puna. Në pandemi nafta ra, ne kemi pranuar në rrugë ligjore që dhe ne të ushqehemi.”- thanë naftëtarët.