Categories Lajme

‘Pa Gjurmë’ realizon takimin e shumëpritur të Ifete Sherifit me të birin, pas 37-vitesh ajo nuk mundi ta njohë

E pazakontë ishte historia e zonjës, që humbi kujtesën që prej vitit 2014, pasi u gjet në rrugë me goditje të rënda në kokë, së cilës pak kohë më parë ’Pa Gjurmë’ në Report TV i gjeti familjen. Ifete Sherifi, që jeton në Shtëpinë e të Moshuarve në Poliçan, prej 7 vitesh ishte konsideruar e vdekur nga familjarët, të cilët u befasuan kur panë tek shfaqej në Report Tv.

Emocioneve të përcjella në studio puntatën e 23 shtatorit, iu shtuan edhe ato që ’Pa Gjurmë’ përcolli këtë të mërkurë  nga takimi i nënës me djalin e saj Arian Çikon. Stafi udhëtoi drejt qytetit të Poliçanit, ku jeton 63-vjeçarja duke përcjellë të tjera emocione të forta.

Rruga drejt destinacionit final, për Arian Çikon, u duk e gjatë, pasi ai do të takohej me nënën e tij Ifete Sherifin. Për shumë vite me radhë, me mendimin se ajo nuk jetonte më, ishte një shok për të riun nga Tirana, kur mësoi nga ’Pa Gjurmë’ se ajo ishte gjallë dhe ndodhej në një azil.

Me plot mall por i përmbajtur, Ariani fshin lotët dhe hyn në dhomë, duke u afruar pranë shtratit ku ndodhej e shtrirë nëna e tij Ifete Sherifi. Reagimi i saj ishte i ftohtë, ndërsa i biri i puth duar e ball. Edhe pse nuk kujton asnjë detaj për djalin, në sytë e saj ka jetë. Këtij takimi i shtohet edhe nusja e Arianit, që e ka shoqëruar në këtë takim plot emocione.

Ifetja ka përballë djalin, çaste sfilitëse për 63-vjeçaren, teksa mundohet të kujtoj këtë njëri të shtrenjtë që ka pranë, por të panjohur, pasi ajo nuk kujton asgjë. Sa të gëzueshme, por edhe të trishta janë këto çaste edhe për Arianin, që e gjen nënën të përhumbur, por fatmirësisht gjallë. Ai përlotej vazhdimisht, ndërsa mundohej që përmes fotove t’i risillte në kujtesë të shkuarën nënës së tij. Pak ditë pas këtij takimi, në një lidhje me moderatoren Odeta Dume, këtë të mërkurë Arian Çiko ka sërish emocione teksa rrëfen ndjesitë në një nga ditët më të vështirën të jetës së tij.

Unë dua të falenderoj të gjithë ata që më ndihmuan të gjej nënën time, sidomos ekranin e Report Tv. Ishte e pabesueshme kur më njoftuan që nëna ime kishte dal tek emisioni juaj Odeta. Nuk di çfarë të them…jam shokuar. Ju më shoqëruat në azil dhe unë e takova. Fatkeqësisht ajo nuk më mban mend që jam djali i saj. Jam i lumtur që e kam gjallë nënën time… Kam shkuar edhe herë të tjera dhe e shikoj që ka një ndryshim të madh nga dita e parë që u takuam. Ajo mundohet të më kujtoj…por e ka të vështirë…’-flet i emocionuar Arjan Ciko.

Ifete Sherifi një zonjë e fisnike, që për ironi të fatit, u dënua të ndahej nga i biri dhe të përfundonte në rrugë, e braktisur nga të gjithë familjarët, derisa një ditë dimri u gjet e goditur rëndë në kokë. Ajo u gjet pa ndjenja, në mars të vitit 2014 e gjakosur në një rrugicë të kryeqytetit me dëmtime të rënda në kokë.

Plagë te cilat i shkaktuan humbjen e kujtesës dhe e moshuara kishte mbetur një zonjë e paidentifikuar. Falë dëshmive të shumta që mbërritën në Report Tv, ‘Pa Gjurmë’ arriti t’i gjente familjen. Misioni që ’Pa Gjurmë’ në bashkëpunim me Qendrën Polivalente, Poliçan, ku vazhdon të strehohet 63-vjeçarja, u krye me sukses, ai i cili bashkoi më në fund zemrat e nënë e bir.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Emërimi i kryetarit të përkohshëm deri në zgjedhjet e reja, mblidhet këshilli bashkiak i Himarës! Banorët përplasen me policinë

Sot në orën 10:30 nisi mbledhja e radhës në këshillin e Bashkisë së Himarës ku…

LEXO ME SHUME
Categories Lajme

Dita e sotme me kthjellime dhe vranësira. Temperatruat do te jenë me rritje

Anticikloni subtropikal po ndikon Europën Juglindore, ku presim stabilitet të kushteve atmosferike në territorin e…

LEXO ME SHUME
Categories Lajme

Ngacmimi nga interneti, Tirana në vend të parë për numrin e denoncimeve. Kuçova renditet e dyta

Bullizimi dhe dhuna përmes rrjeteve sociale po përhapet edhe në qytete të vogla. Kuçova, është…

LEXO ME SHUME
Categories Lajme

Horoskopi, 29 Mars 2024

Dashi Kjo ditë do ju gjejë më produktiv dhe krijues, qoftë në sferën profesionale edhe…

LEXO ME SHUME
Categories Lajme

SPAK lëshon 9 urdhër-arreste për ish-zyrtarë së Bashkisë Tiranë e biznesmenë (Emrat)

Disa ish-zyrtarë të Bashkisë së Tiranës kanë përfunduar në prangat e policisë me urdhër të…

LEXO ME SHUME