Categories Lajme

Pak orë jetë, 15-vjeçarja Elona niset drejt Turqisë, momenti kur lë QSUT-ën (Video)

Lutjet e mijëra shqiptarëve për Elonën e vogël janë dëgjuar fatmirësisht shumë larg përtej kufijve. Falë dashamirësisë së njerëzve humanë e me zemër të madhe, vajza 15-vjeçare nga Fushë-Kruja, që vuan nga një sëmundje tepër e rrallë dhe e rëndë, ka lënë sot në mesditë spitalin universitar “Nënë Tereza” për t’u transferuar në spitalin “Medipol University Hospital”, në Turqi.

“BalkanWeb” dhe “News 24”, që ndoqën e publikuan hap pas hapi ngjarjen e rëndë, prej më shumë se një jave kur vajza zuri shtratin e QSUT, kanë siguruar momentin kur ajo del sot nga ambientet e spitalit dhe niset drejt Turisë.

Udhëtimi i vajzës drejt Turqisë është kryer privatisht me një avion sanitar, që i ka kushtuar familjes 14.500 euro.

Ndërsa duhen edhe 10-30 mijë euro të tjera që familja duhet t’i vendosë si garanci në llogarinë e spitalit turk, që ky i fundit të nisë procedurat për operacionin shumëfishtë të Elonës. “Tani kemi bërë pagesën, sepse nuk i kishim të dhënat për të bërë pagesën 15 mijë euro. Plus duhen dhe 30 mijë euro, sepse kanë ndërruar pazarin që kishin thënë 10 mijë euro. Do bëjmë pagesën, që të pritet vajza atje, që të jenë mjekët në dispozicion të vajzës. Paratë i siguruam nga të afërmit e mi, nga vëllezërit, nga gjithë shqiptarët, që kanë kontribuuar shumë, pasi keni hedhur lajmin ju”, tha nëna e Elonës, Endelina Kuburja.

Në ditën e 10 të qëndrimit në reanimacionin qendror të QSUT vajza nga Fushë-Kruja është vizituar nga ministrja e Shëndetësisë, Ogerta Manastirliu. “Ministrja erdhi, vizitoi gjendjen e vajzës. E pa që gjendja e saj është shumë e rënduar. Më tha që ta nisim vajzën privatisht, sepse akoma nuk na kanë kthyer asnjë përgjigje në Turqi, por do jemi në kontakt dhe do jemi mbështetja juaj, sapo të marrim një përgjigje do ndihmojmë ta kalojmë vajzën në shtet”, theksoi Endelina Kuburja.

Në dalje të spitalit, ministrja nuk ka dhënë koment për situatën e rëndë të 15-vjeçares, edhe pas interesimit të gazetarëve, ndërsa zyra e shtypit e Ministrisë së Shëndetësisë informoi se qeveria shqiptare do mbështesë kurimin e vajzës në Turqi. I njëjti burim zyrtar tha se po shihet mundësia e rimbursimit të shpenzimeve të familjes në spitalin privat, derisa të vijë përgjigja pozitive nga spitalet publike turke, me të cilat shteti shqiptar ka marrëveshje. Burime zyrtare nga Ministria e Shëndetësisë i thanë “News 24” se përgjigja nga Turqia pritet të vijë brenda ditës së sotme dhe se transferimi nga spitali privat në atë publik të realizohet sa më shpejt, pasi në këtë mënyrë garantohet falas nga shteti mbulimi 100 % i shpenzimeve për kurimin e Elonës.

Ndërkohë, nga Kosova ka mbërritur në Tiranë edhe Saranda Hoda, vajza kosovare që vite më parë ka mposhtur të njëjtën sëmundje të rrallë që ka Elona. Saranda, me profesion gazetare, është njëherazi anëtare e këshillit komunal të Gjakovës dhe njihet si një aktiviste tepër aktive në ndihmë të njerëzve në nevojë. “Unë kam ardhur për të përkrahur familjen e Elonës dhe vetë Elonën, sepse e di që jam një mbështetje e madhe për ta. Unë kam kaluar për të njëjtën rrugë që po kalojnë familjarët e Elonës tani. Unë e  di që populli shqiptar do na ndihmoj dhe e lus të na ndihmoj, sepse për shtetin ….”, tha gazetarja kosovare.

Dërgimi i Elonës në Turqi ka lumturuar me mijëra shqiptarë brenda dhe jashtë kufijve, pasi tani ka një shpresë për 15-vjeçaren që ta mposhtë sëmundjen tepër të rëndë, për të cilën lypet ende shumë mbështetje morale e financiare. Qëndrimi dhe operacionet e shumëfishta në spitalin turk, deri ditën që rasti do të merret në dorë nga shteti, kërkojnë shuma të mëdha në euro që familja nuk i ka, por bashkarisht të gjithë shqiptarët brenda e jashtë kufijve mund t’i grumbullojnë në pak kohë e me pak mundim. “Vajza ka të gjitha pjesët e trupit nga koka te këmbët, nuk ka se do të bëhet vetëm një ndërhyrje. Ka filluar ndërhyrja dhe nuk dihet ku do ndalojë. Ndaj ju lutem të gjithë shqiptarëve, të na ndihmojnë për të shpëtuar jetën e vajzës”, përfundoi e ëma e 15-vjeçares.

Nr. i llogarisë në Credins Bank ku mund të ndihmoni Elonën: 00001248081 në ALL – Al85 2121 1322 0000 0000 01248081

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Përplasi makinën me të cilën po transportonte emigrantët e paligjshëm dhe u largua, arrestohet italiani në Korçë

Policia ka arrestuar në Korçë një shtetas italian, Massimo Compagnone, i cili përplasi automjetin me…

LEXO ME SHUME
Categories Lajme

Del raporti, “Wiz Air” vonesa dhe anulime me 60 për qind të fluturimeve nga Tirana

Nje raport i fundit tregon se në Aeroportin e Tiranës jatë vitit te kaluar 2023…

LEXO ME SHUME
Categories Lajme

Shqiptari arratiset nga burgu në Zvicër

Një i burgosur u arratis nga burgu Uauuilermoos i Lucernit me kusht. Ai ishte dënuar…

LEXO ME SHUME
Categories Lajme

I riu dhunon 44-vjeçarin dhe e bën për spital, largohet nga vendngjarja me makinë!

Rreth orës 11:30, te ura e Cenit, për shkak të një konflikti për motive të…

LEXO ME SHUME
Categories Lajme

Euro shënon rritjen më të lartë të vitit, prej muajit gusht. Çfarë pritet në vijim!

Kursi i këmbimit të Euros me Lekun shënoi një rritje të fortë ditën e djeshme.…

LEXO ME SHUME