Temperaturat e larta në vend kanë ndikuar në përhapjen e vatrave të zjarrit. Pavarësisht se shumë forca zjarrfikëse janë angazhuar për shuarjen e flakëve, ende shtungëlla tyme vijojnë të dalin nga zonat ku zjarri është aktiv. Siç shihet nga pamjet e filmuara me dron nga fotografi Gent Shkullaku i Agjencisë LSA, Karaburuni është i mbuluar totalisht nga re të mëdha tymi.
Pamjet e realizuara nga droni, shfaqin shkallën e plotë të zjarreve, përgjatë bregdetit të Jonit.
Mijëra ha tokë është shkrumbuar nga flakët, ndërsa situatë e njëjtë po shfaqet në shumë vende të Evropës, përfshirë Turqinë, Italinë dhe Greqinë.