Presidenti rus Vladimir Putin në një bisedë telefonike me liderin turk Rexhep Tajip Erdogan nënvizoi “gatishmërinë e Rusisë për të lehtësuar tranzitin detar të papenguar të mallrave në koordinim me partnerët turq”, “kjo vlen edhe për grurin nga portet ukrainase”.
Këtë e raporton Kremlini, cituar nga Tass, duke shtuar se të dy liderët diskutuan gjithashtu “çështjen e sigurimit të lundrimit të sigurt në detet e Zi dhe Azov, duke eliminuar kërcënimin e minave”.