PS dhe PD gjejnë dakordësi vetëm për ngritjen e komisionit hetimor për hetimin e zgjedhjeve të  25 prillit, por jo për inceneratoret dhe çështjen Beccetti.

Këtë konfirmoi kreu i grupit parlamentar socialist, Taulant Balla në një deklaratë ëpr mediat pas  mbledhjes së Konferencës së Kryetarëve.

Ai ka mohuar të ketë pazare politike mes Partisë Demokratike dhe asaj socialiste. Sipas Ballës çështjet për të cilat do të arrihet konsensus duhet të jenë interes të vendit dhe jo të partive.

“Nuk ka asnjë lloj pazari, sepse kjo është një çështje që unë e konsideroj të një rëndësie të veçantë, ku secili prej ne deputetëve duhet të marrë përgjegjësinë që i takon.

Gatishmëri për të qenë në mënyrë vijuese, të hapur, për të diskutuar pa rezerva çdo lloj çështje që mund të vijë nga opozita në Kuvendin e Shqipërisë”, tha Balla.