Një ditë më parë Ministrja e Shëndetësisë dhe Mbrojtjes Sociale Ogerta Manastirliu ka publikuar një video nga brenda spitalit infektiv, ku për herë të parë tregoheshin njerëzit në gjendje të rendë nga koronavirusi. PD, përmes ish-deputetit Bardh Spahia ka thënë se njëra nga gratë, që ndodhet në video, në të vërtetë nuk është e infektuar me Covid-19 dhe as e shtruar në spital.
Por në një video të siguruar nga Dritare.net, shihet qartë jo vetëm që zonja është e identifikuar, por ajo ndodhet në gjendje të rëndë shëndetësore. Videoja e gjatë e zonjës, është një video e rëndë dhe tregohet qartë se ajo po lufton me jetën brenda infektivit./ I.M-Dritare.net