Lajme

Përfundojnë pas 3 orësh bisedimet mes Rusisë dhe Ukrainës

Pas më shumë se tre orësh, përfundoi raundi i parë i bisedimeve ndërmjet delegacioneve të Moskës dhe Kievit në Bjellorusi.

Kjo u njoftua nga agjencia Interfax, duke cituar zëdhënësin e ministrisë së brendshme të Ukrainës, Anton Gerashchenko.

Mediat ruse shkruajnë se delegacioni ukrainas ka kërkuar nga Rusia tërheqjen e trupave të saj. Nuk dihet nëse palët kanë arritur një marrëveshje dhe çfarë hapi do të merret në orët në vazhdim.

Rusia nisi pushtimin e Ukrainës mëngjesin e së enjtes së kaluar, ndërsa ky veprim është dënuar nga SHBA dhe vendet e BE, të cilët kanë vendosur një sërë sanksionesh të forta.

Vendndodhja e saktë e bisedimeve mes Rusisë dhe Ukrainës të hënën është mbajtur sekret për arsye sigurie. Bisedimet janë në Bjellorusi, por i vetmi vend që është njoftuar është se ato janë në brigjet e lumit Pripyat në rajonin Gomel të Bjellorusisë.

Artikuj të ngjashëm

Leave a Reply

Your email address will not be published.

Back to top button
Close