Një aksident i rëndë ka ndodhur mbrëmjen e sotme në aksin rrugor Vlorë-Levan, ku bëhet me dije se ka humbur jetën një shtetase ende e paidentifikuar. Burime bëjnë me dije se personi që ka ndërruar jetë është një shtetase 25-vjeçare, ndërkohë që ka mbetur e plagosur një 22-vjeç.
Trupi i v iktimës është gjetur shumë metra larg nga vëndi i ngjarjes nga automjetit çka dëshmon dhe fuqinë e goditjes së dy automjeteve.
Aksidenti ka ndodhur në vendin e quajtur “Kripa” dhe siç shihet dhe nga pamjet përplasja midis dy mjeteve ka qenë shumë e fortë ku njëri prej tyre është batuar në anë të rrugës. Nuk dihen ende shkaqet e aksidentit, ndërkohë që grupi hetimor dhe policia kanë mbërritur në vendngjarje dhe po punojnë për zbardhjen e shkaqeve të aksidentit.
Vlorë/Informacion paraprak Më datë 26.01.2021, rreth orës 19:25, në autostradën Vlorë- Fier, mjeti me drejtuese shtetasen A.Ç., dhe pasagjere shtetasen S. M., 22 vjeçe, ka humbur kontrollin dhe ka dalë nga rruga.
Si pasojë e daljes nga rruga ka ndërruar jetë në vendngjarje drejtuesja e mjetit shtetasja A. Ç, dhe është dërguar në spitalin e Vlorës, në gjëndje të rëndë shëndetësore pasagjerja e mjetit shtetasja S.M. Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.