Një ngjarje e rëndë është shënuar mesditën e kësaj të mërkure në qytetin e Korçës, ku një person ka humbur jetën pasi traktori është përmbysur.

Aksidenti ka ndodhur pak minuta më parë në fshatin Polenë. Bëhet me dije se viktima është Bajram Trëndafili rreth 55-vjeç. Në vendin e ngjarjes ndodhet policia për të tërhequr trupin dhe për ta çuar drejt morgut.

Njoftimi i policisë:

Korçë/Informacion paraprak Më datë 28.04.2021, rreth orës 13:20, në rrugën Qatrom-Polenë, pranë vendit të quajtur “Ura e Polenës”, shtetasi B. T., rreth 55 vjeç, banues në fshatin Ravonik-Korçë, duke drejtuar një mjet bujqësor tip traktor, ka rënë nga ura dhe për pasojë ka gjetur vdekjen e menjëhershme. Grupi hetimor po punon për zbardhjen e rrethanave të aksidentit.