Ekipet e shpëtimit në Kinë kanë ndërmarrë një operacion për shpëtimin e pasagjerëve të një treni pasi niveli i ujit brenda tij ka arritur deri në bel.
Pasagjerët po udhëtonin në Zhengzhou, në provincën qendrore Henan të martën, kur u bllokuan pas ngritjes së nivelit ujit për shkak të përmbytjeve që kanë goditur kontinentin aziatik. Provinca Henan është goditur rëndë nga shiu i madh ditët e fundit duke rezultuar në përmbytje të shumë qyteteve.
Të paktën një person ka vdekur dhe dy janë zhdukur, raportojnë mediat shtetërore. Të martën, i gjithë sistemi i metrosë Zhengzhou u detyrua të mbyllet. Videot dhe fotot e postuara në mediat sociale tregojnë njerëz që qëndrojnë në vendet e trenit në përpjekje për të qëndruar mbi ujë.
Shpëtuesit u panë duke tërhequr udhëtarët me litar. Nuk dihet ende se sa njerëz mbeten të bllokuar, por qindra raportohet të jenë shpëtuar deri më tani. Një person i cili mbante emrin Xiaopei shkroi një postim në faqen e mediave sociale Weibo duke u lutur për ndihmë.
“Uji në karrocë ka arritur deri në gjoksin tim. Nuk mund të flas më”. Departamenti i zjarrfikësve më vonë konfirmoi se Xiaopei ishte shpëtuar.
1/3 Some really distressing videos coming out of Zhengzhou in central China – this driver looks rather calm under pressure. But other videos on WeChat show what appear to be people clearly struggling to keep their heads above the flood waters. Death toll so far is 1, 2 missing pic.twitter.com/P8dEk1B1iC
— Bill Birtles (@billbirtles) July 20, 2021
“Unë kam jetuar në Zhengzhou gjithë jetën time dhe kurrë nuk kam parë një stuhi aq të madhe shiu sa sot,” i tha Associated Press Wang Guirong, një menaxher restoranti 56-vjeçar.
Sasia e shiut gjatë tre ditëve të fundit në Zhengzhou raportohet të jetë e njëjtë me atë që zakonisht bie në harkun e një viti të tërë. Reshjet e shiut parashikohen të vazhdojnë në rajon për të paktën 24 orët e ardhshme.
7月20日晚,郑州暴雨地铁5号线一车厢多人被困,水位淹过肩膀。根据郑州地铁晚上发布的消息,受持续暴雨影响,郑州地铁全线网车站已暂停运营服务,消防人员正在救援。 pic.twitter.com/wCiz7TGhki
— The Paper 澎湃新闻 (@thepapercn) July 20, 2021