Lajme

Përmbytjet në vend, Evis Kushi bën njoftimin: Pezullohet edhe nesër mësimi për këto 14 shkolla

Pas situatës së rënduar për shkak të reshjeve dhe përmbytjeve në disa zona të vendit, ministrja e Arsimit Evis Kushi, ka bërë me dije se është pezulluar mësimi për ditën e nesërme për 14 shkolla në Qarkun e Shkodrës.

Vendimi është marrë për shkak të situatës së rëndë me përmbytjet dhe reshjet e dendura të shiut të cilat pritet që gjatë orëve në vijim të shtohen.

Ndërkohë, ministrja sqaron se orët e mësimit të këtyre ditëve do të zëvendësohen në vijim.

Shkollat ku do të pezullohet mësimi:

  1. Shkolla “Mehmet Shpendi”, Shalë
  2. Shkolla “Theth”, Shalë
  3. Shkolla “Gimaj”, Shalë
  4. Shkolla “Dom Prek Ndrevashaj”, Shosh
  5. Shkolla “Palaj”, Shosh
  6. Shkolla “Nicaj”, Shosh
  7. Shkolla “Kir”, Pult
  8. Shkolla “Kasnec” , Pult
  9. Shkolla “Pog” , Pult
  10. Shkolla “Bruçaj”, Pult
  11. Shkolla “Plan” , Pult
  12. Shkolla “Maja e Thanës” , Pult
  13. Shkolla “Xhan” , Pult
  14. Shkolla “Kuc” , Pult

Njoftimi i plotë:

Sot në Ministrinë e Arsimit, së bashku me grupin drejtues për përballimin e situatës së shkaktuar nga reshjet, rivlerësuam kushtet e shkollave dhe mundësitë për rifillimin e procesit mësimor.

Edhe pse situata në përgjithësi paraqitet e përmirësuar, në zonën e Shkodrës ka ende vështirësi në infrastrukturën rrugore. Për këtë arsye në 14 shkolla ku mësojnë 210 nxënës, mësimi do të pezullohet edhe për ditën e nesërme. Nga këto shkolla vetëm njëra prej tyre është shkollë qendër, ndërsa 13 të tjerat janë shkolla vartëse.

  1. Shkolla “Mehmet Shpendi”, Shalë
  2. Shkolla “Theth”, Shalë
  3. Shkolla “Gimaj”, Shalë
  4. Shkolla “Dom Prek Ndrevashaj”, Shosh
  5. Shkolla “Palaj”, Shosh
  6. Shkolla “Nicaj”, Shosh
  7. Shkolla “Kir”, Pult
  8. Shkolla “Kasnec” , Pult
  9. Shkolla “Pog” , Pult
  10. Shkolla “Bruçaj”, Pult
  11. Shkolla “Plan” , Pult
  12. Shkolla “Maja e Thanës” , Pult
  13. Shkolla “Xhan” , Pult
  14. Shkolla “Kuc” , Pult

Strukturat tona arsimore vijojnë të jenë në kontakt të vazhdueshëm me bashkitë dhe shtabet e emergjencave të ngritura nëpër qarqe.

Ndërkohë, Ministria e Arsimit do të marrë të gjitha masat e nevojshme për zëvendësimin e orëve të humbura në javët në vijim.

Artikuj të ngjashëm

Leave a Reply

Your email address will not be published.

Back to top button
Close