Categories Lajme

Përplasi familjen me foshnjën tre muajsh tek vijat e bardha, Ajas Sulejmani ishte nën efektin e…

Ajas Sulejmani, 39-vjeçari i cili përplasi një çift bashkëshortësh dhe fëmijën e tyre tre muajsh rezulton se ka qenë nën efektin e lëndëve na rkotike. Pas arrestimit, policia thotë se ai i është nënshtruar testit të d rogës dhe ka rezultuar pozitiv.

“Në lidhje me aksidentin e ndodhur në Rrugën e Kavajës, ku një automjet me targa të huaja aksidentoi një çift dhe fëmijën e tyre të vogël, ju informojmë se:

Pas kryerjes së testit të drogës, drejtuesi i mjetit, shtetasi A. S., ka rezultuar se drejtonte mjetin nën efektin e lëndëve narkotike”, thuhet në njoftimin e policisë.

SI NDODHI AKSIDENTI, Çifti i bashkëshortëve Arjan dhe Vilma Konomi, po kalonin në vijat e bardha bashkë me foshnjën e tyre tre muajshe, kur automjeti luksoz që drejtohej nga Ajas Sulejmani ka hyrë me shpejtësi në semafor të kuq dhe i përplasi.

Më pas automjeti devijoi drejt lulishtes anash rrugës, ku përplasi një biçikletë, por qytetari shpëtoi pa u dëmtuar. Në pamjet nga vendngjarja pak pas aksidentit çifti bashkëshortëve shihen të shtrirë në tokë, ndërsa karroca e bebes e rrëzuar.

Menjëherë në ndihmë u kanë ardhur kalimtarët të cilët kanë vrapuar drejt tyre për t’i ndihmuar. Aktualisht tre të plagosurit ndodhen në spital, nën kujdesin e mjekëve.

AUTORI, Ajas Sulejmani u arrestua në një spital privat disa orë pas arratisjes nga vendi i ngjarjes, ndërsa policia në një njoftim bën të ditur se shoferi ka qenë shkelës sistematik i rregullave të qarkullimit rrugor.

Sipas bluve të kryeqytetit Sulejmani është ndëshkuar 8 herë, shumicën e rasteve për shkelje të sinjalizimit rrugor, shkelje semafori dhe mospërdorim të rripit të sigurimit.

“Drejtuesi i automjetit me targa të huaja, shtetasi me iniciale A. S., 39 vjeç, i dyshuar si autori që shkaktoi aksidentin me këmbësorët, në Rrugën e Kavajës, është ndëshkuar 8 herë nga efektivet e Komisariatit Rajonal të Policisë Rrugore Tiranë, nga të cilat disa herë për shkelje të sinjalizimit rrugor, shkelje semafori dhe mospërdorim të rripit të sigurimit.

Gjithashtu, ky shtetas është ndëshkuar disa herë, me bllokues gomash, për shkak të parkimeve në shkelje të rregullave të qarkullimit rrugor në rrugët e kryeqytetit.

Po ky shtetas  është shoqërur tre javë më parë në ambientet e Komisariatit Rajonal të Policisë Rrugore Tiranë, po me këtë automjet, për verifikim nga strukturat e Trafiqeve të Paligjshme në Drejtorinë Vendore të Policisë Tiranë, dhe pasi është verifikuar, është proceduar për shkeljen e dispozitave të Kodit Rrugor”, thotë policia.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Dita e sotme me kthjellime dhe vranësira. Temperatruat do te jenë me rritje

Anticikloni subtropikal po ndikon Europën Juglindore, ku presim stabilitet të kushteve atmosferike në territorin e…

LEXO ME SHUME
Categories Lajme

Ngacmimi nga interneti, Tirana në vend të parë për numrin e denoncimeve. Kuçova renditet e dyta

Bullizimi dhe dhuna përmes rrjeteve sociale po përhapet edhe në qytete të vogla. Kuçova, është…

LEXO ME SHUME
Categories Lajme

Horoskopi, 29 Mars 2024

Dashi Kjo ditë do ju gjejë më produktiv dhe krijues, qoftë në sferën profesionale edhe…

LEXO ME SHUME
Categories Lajme

SPAK lëshon 9 urdhër-arreste për ish-zyrtarë së Bashkisë Tiranë e biznesmenë (Emrat)

Disa ish-zyrtarë të Bashkisë së Tiranës kanë përfunduar në prangat e policisë me urdhër të…

LEXO ME SHUME
Categories Lajme

Përplasi makinën me të cilën po transportonte emigrantët e paligjshëm dhe u largua, arrestohet italiani në Korçë

Policia ka arrestuar në Korçë një shtetas italian, Massimo Compagnone, i cili përplasi automjetin me…

LEXO ME SHUME