Një automjet tip Mitsubishi përplasi një fëmijë 11 vjeç në aksin rrugor Bicaj-Kukës. Shoferi la të miturin në gjendje të rëndë dhe braktisi automjetin duke ia mbathur nga vendi i ngjarjes.Automjeti i përket kompanisë celulare Albtelecom. Fëmija është në gjendje të rëndë për jetën dhe pas trajtimit në spitalin e Kukësit, u dërgua me urgjencë me helikopter drejt Tiranës. Pasi policia ngriti grupe kontrolli, shoferi i identifikuar me inicialet A.H., 35 vjeç u vetëdorëzua në polici. Blutë e Kukësit raportojnë se nuk ia kishte mbathur, por kishte marrë një automjet tjetër për të çuar të miturin në spital.

Njoftimi: Vetë dorëzohet pranë Drejtorisë së Policisë Kukës, autori i aksidentit të ndodhur pak më parë. Shtetasi A.H., 35 vjeç, banues në Bushtricë, Kukës, në aksin rrugor Kukës-Gostil, me mjetin tip “Mitsubish”, ka aksidentuar shtetasin e mitur E.M., pasi e ka dërguar me mjet tjetër në spitalin e Kukësit, është vetë dorëzuar pranë Drejtorisë së Policisë Kukës. Shtetasi A.H., ndodhet në ambientet e Drejtorisë, per veprime të mëtejshme proçeduriale. Pòlicia ka sqaruar rrethanat e áksidentit me pasojë plágosjen në Kukës duke bërë me dije se shoferi nuk ia ka mbathur nga vendi i ngjarjes.