Lajme

Përplasi me makinë çiftin dhe foshnjën te vijat e bardha, arrest me burg për Ajas Sulejmanin

Ajas Sulejmani, autori i aksidentit të frikshëm te Rruga e Kavajës do të qëndrojë në qelinë e burgut.

Ky ishte vendimi që mori sot Gjykata e Tiranës, e cila caktoi masën e sigurisë ‘arrest me burg’ për drejtuesin e mjetit luksoz që mori para çiftin e bashkëshortëve Arjan dhe Vilma Konomi dhe foshnjën e tyre tre muajshe, teksa ecnin te vijat e bardha.

PRETENDIMET E SULEJMANIT

Sulejmani pretendoi se nuk i kanë funksionuar frenat në momentin që semafori kaloi në të kuqe. Ai po ashtu ka deklaruar se ka qenë duke ecur me shpejtësi 40 km/orë.

Ndërkohë, ka thënë se pas ngjarjes është larguar pasi kishte në makinë vajzën e tij të vogël, dhe e ka dërguar atë në spital, ndërsa theksoi se ishte i traumatizuar.

Ndaj Sulejmanit rëndojnë akuzat për shkelje të rregullave të qarkullimit, drejtim mjeti në mënyrë të parregullt dhe largim nga vendi i aksidentit.

Artikuj të ngjashëm

Leave a Reply

Your email address will not be published. Required fields are marked *

Back to top button
Close