Shqipëria ka ndërtuar pa plan. Tirana është shembulli më i qartë i mungesës së planit dhe ndërtimit në mënyrë krejtësisht kaotike pa një ide të qartë.
Lagje të ndërtuara në mënyrë të mbrapshtë dhe planet individuale kanë bërë që kryeqyteti ynë të jetë i parregullt dhe aspak i bukur, por ngjarja që ka ndodhur sot thyen çdo rekord.
Mund të themi me plot gojë se babëzia e ndërtuesëve është kthyer në një fenomen shqetësues në Shqipëri. Aq sa shpesh herë apartamentet ndërtohen jashtë çdo standarti vetëm e vetëm për të përfituar sa më shumë nga qytetarët e shkretë që duan të blejnë apartamente.
Një skandal i vërtetë ka ndodhur pasditen e sotme në Yzberisht të Tiranës ku një person që ka humbur jetën po nxirrej nga apartamenti me vinç, pasi shkallët janë të ngushta.
Sipas qytetarëve të skandalizuar që kanë dërguar fotot pranë redaksisë së Joq Albania, shikohet se si një vinç i gjatë është përdorur për të lëvizur trupin e të ndjerit.
Kjo pamje duhet të na vrasë sytë dhe t’a na bëjë që të shohim më qartë në lidhje me atë çfarë po ndodh me vendin tonë. Babëzi, babëzi dhe mungesë planesh.