Nga Anisa Bahiti
Përshendetje! Uroj që ky mesazh t’ju gjejë sa më mirë. Që prej ngjarjes tragjike të vrasjes së një tjetër gruaje në Shqipëri; asaj të Sabrina Bengaj, mora një vendim për të reaguar sa më shpejt dhe në mënyrë urgjente në lidhje me aktet kriminale që kanë pushtuar vendin tonë. Për këtë, bashkë me një grup vajzash pjesë e jetës publike në Elbasan dhe qytetare aktive, ndërrmorëm hapat për lancimin e peticionit “Ndryshimi i Kodit Penal në Shqipëri“.
Brenda 24 orëve lancuar në rrjetet sociale me qëllim sensibilizimi, peticioni ka grumbulluar më shumë se 1500 firma. Ky peticion ka si qëllim të shtrihet në të gjjthë Shqipërinë, në qytetet më kryesore të saj me qëllim mbledhjen e sa më shumë firmave për të shpëtuar një jetë. Ndaj kam menduar që ditën e mërkurë në orën 12:00 peticionin ta sjellim në qytetin e Vlorës në sheshin pranë Teatrit. Të ftojmë qytetarët, aktivistët dhe çdo njeri që e ndjen detyrim shoqëror të japi kontributin e tij për të kërkuar ndryshime serioze në kodin penal dhe masën ndëshkimore parandaluese si dhe dënimin maksimal me burgim të përjetshëm për këdo që merr jetën e një njeriu.
Me kënaqësi pres bashkëpunimin tuaj për realizimin e këtij peticioni me sukses. Unë jam e bindur që të gjjthë bashkë mundemi të bejmë ndryshime të mëdha në emër të jetës.
Anisa Bahiti
Drejtore Infowebtv
Publiciste/Aktiviste