Një 26 vjeçar ka mbetur i plagosur ditën e sotme në Kamez pas një konflikti mes të rinjve në kalçeto.

Ngjarja ka ndodhur në një kalçeto në Kamëz ndërsa sherri ka agravuar me përdorim të mjeteve prerëse. I riu që mbeti i plagosur me thikë, është transportuar në spital, ndërsa autori 17-vjeçar është vënë në pranga.

Njoftimi i policisë: 

Specialistët për Hetimin e Krimeve në Komisariatin e Policisë Nr. 5 bënë arrestimin në flagrancë të shtetasit K. C., 17 vjeç, banues në Kamzë, për veprën penale “Plagosja e rëndë me dashje”.

Ky shtetas, pas një konflikti për motive të dobëta, në një kalçeto në Kamzë, ka goditur me mjet prerës (thikë) shtetasin Sh. A., 26 vjeç, i cili ndodhet në spital, nën kujdesin e mjekëve, jashtë rrezikut për jetën. Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme procedurale.