Një plagosje me armë zjarri ka ndodhur këtë mbrëmje në Tiranë, pranë rrugës “5 maji”. I plagosur në këmbë ka mbetur 30 vjeçari i identifikuar si Rexhep Xhekja. Ky i fundit është gjetur në rrugë nga policia dhe është transportuar në spital po prej tyre.
Ndërkohë policia ka reaguar përmes një njoftimi paraprak, duke sqaruar se autori është identifikuar dhe se fjala është për Kevin Cungun. Kevin Cungu është vëllai i Markeljan Cungut, i njohur për vjedhjen e dhunshme në familjen Laze në Tiranë disa muaj më parë.
”Më datë 11.09.2020, rreth orës 21:26, në fund të rrugës “5 Maji”, pas një konflikti të çastit, për motive të dobëta, dyshohet se shtetasi me iniciale K. C, ka plagosur me armë zjarri pistoletë në këmbë shtetasin R.Xh., 30 vjeç, i cili u dërgua në spital dhe ndodhet nën kujdesin e mjekëve jashtë rrezikut për jetën”, informon policia.