Artisti Robert Aliaj dhe këngëtari Ardit Çuni, kanë debatuar mbrëmjen e DJESHME  për paraqitjen e Shqipërisë në Eurovision 2022, me këngëtaren Ronela Hajati. Debati mes të dyve kaloi dhe në fyerje personale.

Roberti e quajti muzikën tallava një zhaner ordiner, duke provokuar kështu një reagim nga Ardit Çuni, i cili tha se ai mbyllte televizorin kur dilte Aliaj. Më pas, Arditi tha se u ndje i fyer dhe u largua.

Aliaj: Pse jo tallava? Është sikur të krahasosh tallavanë që në vetvete është zhanër rrugësh. Muzika ka nivelet e veta si letërsia, si çdo fenomen social dhe politik, me klasa sociale. Është klasa më e ulët sociale. Në zhanerin e muzikës është ajo më ordinere.

Nuk kap asnjë vlerë, por merr vlerë kur je i pamend ose i pa edukuar. Ndaj po çuditem, si djemtë dhe vajza të reja të kenë kaq pak formim që t’i duket tallavaja e drejtë.

Çuni: Kam aq nivel sa të mbyll televizionin kur del në TV, dhe të ndaloj familjarët të të shohin.

Aliaj: Po mbylle mër ti, mor trap. Po bën debat të ulët.

Çuni: Të thuash që nuk ke nivel, është… Unë po tregoj një të vërtetë që ndodh.