Policia e Ferizaj në Kosovë ka nisur aksion për ndalimin e qytetarëe që të kërkojnë lëmoshë. Kështu, në kuadër të këtij aksioni, një 69-vjeçar është ndaluar dhe ka marrë gjobë. Sipas mediave kosovare, i moshuari është gjobitur me 500 euro.
“Në kuadër të këtij aksioni policia, ka ndaluar personin, tashmë recidivist me inicialet : H.SH ( M/SH) i moshës 69 vjeçar dhe ndaj tij është shqiptuar një gjobë për kundërvajtje.
Drejtoria Rajonale e Policisë në Ferizaj, do të vazhdojë me aksionin për parandalimin e dukurisë së kërkimit të lëmoshës në qytetin e Ferizajt, si dhe apelon te qytetarët që, saherë hasin në lypësarë, të njoftojnë menjëherë policinë, stacionin më të afërt, apo përmes aplikacionit digjital ‘’Lajmëro Policinë ‘’ dhe në numrat kujdestarë: 192 ,0290/326-250 & 0290/322-406”, njofton policia.