Objekti që po ndërtohej brenda bazes detare ushtarake të Shëngjinit është vënë në sekuestro preventive. Vendimi është marrë nga Gjykata Lezhës me kërkesë të prokurorisë e cila kishte nisur hetimet në lidhje me rastin, pas denoncimit të bërë nga Ministria e Mbrojtjes.
Proçedimi penal nisi nga SPAK për vepren penale “Shpërdorim detyre”, por më pas çështja i kaloi Prokurorisë së Lezhës.
Organi i akuzes ka kryer një sërë veprimesh, ku janë sekuestruar e po analizohen të gjithe praktikat e ndjekura nga institucionet për privatizimin e pronës dhe dhënien e lejes së ndertimit, brenda bazes detare ushtarake të Shëngjinit. Objekti disa katesh brenda bazës detare ushtarake të Shëngjinit nisi të ndërtohet 1 vit me parë. Skandali u denoncua nga Ish-zv.komandanti i Forcës Detare Artur Mecollari e më pas u vunë në lëvizje Ministria e Mbrojtjes dhe organet e drejtësisë.