Deputetja e Kuvendit, Majlinda Halilaj, e cila është bërë disa herë objekt i mediave me deklaratat e saj të cilat janë cilësuar si ‘gafa’, këtë herë në një intervistë me gazetarin Ismet Drishti, ka dalë “zbuluar”, pasi nuk njeh shtetet anëtare të BE-së.
Deputetja është pyetur përse Zvicra dhe Norvegjia po bëjnë referendum për të dalë nga BE-ja, e ajo është përgjigjur se për këtë është dëshira dhe mendimi i tyre. Por duke mos e ditur që këto dy shtete nuk janë fare në Bashkimin Europian. Në fund të intervistës, kur gazetari i thotë të vërtetën, për të dalë nga situata, deputetja i thotë Drishtit se është ai që “po na merr në qafë se je pa maskë”.
Deputetja ra në sy fillimisht në Parlament për gabimet e saj kur u përpoq të denonconte “Korporatën e Investimeve”, një nismë që Partia Demokratike e kishte denoncuar si aferë korruptive. Por pavarësisht se e kishte të shkruar materialin, nuk arrinte të shqiptonte fjalët siç duhet veçanërisht fjalën “Korporatë”, të cilën ajo e thoshte në vijimësi “Koporatë”.
INTERVISTA E PLOTE Ju a mendoni se do jeni prapë në Parlament?Majlinda Halilaj: Kjo është mendimi i popullit, mund të votojë kë të dojëJo më fal vendimin e popullit e caktoni ju se ju votuat në emër të popullit. Majlinda Halilaj: Normale votojmë në emër të popullit. Më fal se kam harruar kush ju ka votuar ju? Majlinda Halilaj: Kush më ka votuar mua? Elektorati imQë është? Majlinda Halilaj: Vij nga Partia e Reformave Demokratike. Kam një kryetar po kam edhe elektoratin tim që më ka mbështetur.
Norvegjia e Zvicra po kërkojnë të dalin nga BE, ne duam të hyjmë, ata po bëjnë referendum. E dini besoj? Majlinda Halilaj: Po, po Po pse ne duam të hyjmë kur ato duan të dalin Majlinda Halilaj: Është mendimi i atyre pse ato duan të dalin ne duhet të hyjmë. Po pse mendon se jemi më të zgjuar ne se Norvegjia e Zvicra?Majlinda Halilaj: Po jemi normale, jemi.Kot me të pyt sa shkon një bërje thonjsh e plotë? Majlinda Halilaj: Ka të ndryshme pak rëndësi ka kjo tani. Ju për shembull? Majlinda Halilaj: Besoj këtu jemi për politikë jo për thonjtë.
Po pse duan të dalin Norvegjia e Zvicra? Majlinda Halilaj: Duan të dalin është mendimi dhe e drejta e tyre, ne kemi mendimet tona, jemi në parlament tjetër. Nuk janë demokraci më të konsoliduara se ne Norvegjia e Zvicra? Majlinda Halilaj: E kanë e kanë.
Po pse vendosin të dalin? Majlinda Halilaj: Nuk e gjykoj, ne kemi nevojë të futemi. Ju i njihni këto shtete anëtare të BE? Majlinda Halilaj: Po sigurisht që i njoh. Po se nuk janë. Majlinda Halilaj: Cfarë nuk janë? S’janë në BEMajlinda Halilaj: Po shpresoj të futen nëse nuk janë.A shpreson, po ca din apo s’din hic edhe ja fut kot?Majlinda Halilaj: Po pse nuk e di? Po a e kupton që po na merr në qafë? Ti voton ligje për ne. Majlinda Halilaj: Po ti po na merr në qafë ne se je pa maskë.
