Categories Lajme

Policia kap Adil Alikon, dyshohet se i dha para dhe toka Henri Çilit, për të liruar nga burgu djemtë që vranë specialin e RENEAS në Lazarat

Adil Aliko, babai i Alban dhe Arbion Alikos, biznesmen i njohur në Gjirokastër, është arrestuar nga Policia e këtij qyteti në orët e para të mëngjesit të sotëm.

Newsbomb.al mëson se Blutë e Gjirokastërs kanë bërë sot arrestimin e Adil Alikos, për një ngjarje të ndodhur muaj më parë ku u përfshi dhe botuesi Henri Çili.

Gjykata e Përmetit ka caktuar masën e sigurisë “Arrest në burg”, për Adil Alikon, për veprat penale “Fshehja e të ardhurave”, “Pastrimi i produkteve të veprës penale ose veprimtarisë kriminale” dhe  “Falsifikimi i dokumentave”.

Aliko është ndaluar dhe më parë nga Policia e Gjirokastrës për tentativën për të liruar nga burgu dy djemtë e tij, por është liruar. Biznesmeni dyshohet se i ka paguar qindra mijëra euro dhe sipërfaqe toke botuesit Henri Çili, që ky i fundit të ndërhynte te një magjistratë i lartë për të ndryshuar vendimin.

Arbion Aliko dënuar përjetë për vrasjen e efektivit të RENEAS Ibrahim Basha, kurse i vëllai i tij Albani, është dënuar me 17 vite e 6 muaj burg.

Në kuadër të operacionit “Mezhgorani” u arrestua dhe kunati i Henri Çilit, Gazmir Ajdinaj, avokati Ilir Korbi dhe biznesmeni i njohur Seit Fishta.

Vëllai i bashkëjetueses së Çilit, Gazmir Ajdinaj u arrestua teksa po merrte 1 milionë lekë nga Adil Aliko, babai i Arbion dhe Alban Alikos, të dënuar për vrasjen e efektivit të RENEA-s gjatë operacionit kundër kultivimit të drogës në Lazarat.

Sipas dosjes hetimore rezulton se gjatë telefonatava të përgjuara, babai i vëllezërve Aliko i ka kërkuar ndihmë për lirimin e djemve duke theksuar se i kërkonin 1 milion euro. Gazmir Ajdinaj merr përsipër që ta ndihmojë dhe ndërmjetëson një takim të Adil Alikos me Henri Çilin.

Njoftimi i Policisë Gjirokastër:

Vijon operacioni “Mezhgorani”, vihet në pranga një person i shpallur në kërkim.

Në vijim të punës për kapjen e personave të shpallur në kërkim në kuadër të operacionit policor “Mezhgorani”, i finalizuar në muajin shkurt të vitit 2020, u ndalua një prej personave të shpallur në kërkim për veprat penale “Fshehja e të ardhurave”, “Pastrimi i produkteve të veprës penale ose veprimtarisë kriminale” dhe “Falsifikimi i dokumentave”.

Nga strukturat e Drejtorisë Vendore të Policisë Gjirokastër u kap dhe u ndalua shtetasi A. A., 52 vjeç, banues në Lazarat, Gjirokastër, për të cilin Gjykata e Rrethit Gjyqësor Përmet ka caktuar masën e sigurisë “Arrest në burg”, për veprat penale “Fshehja e të ardhurave”, “Pastrimi i produkteve të veprës penale ose veprimtarisë kriminale” dhe  “Falsifikimi i dokumentave”.

Materialet procedurale i kaluan Prokurorisë së Posaçme Kundër Korrupsionit dhe Krimit të Organizuar Tiranë, për veprime të mëtejshme hetimore.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

SPAK lëshon 9 urdhër-arreste për ish-zyrtarë së Bashkisë Tiranë e biznesmenë (Emrat)

Disa ish-zyrtarë të Bashkisë së Tiranës kanë përfunduar në prangat e policisë me urdhër të…

LEXO ME SHUME
Categories Lajme

Përplasi makinën me të cilën po transportonte emigrantët e paligjshëm dhe u largua, arrestohet italiani në Korçë

Policia ka arrestuar në Korçë një shtetas italian, Massimo Compagnone, i cili përplasi automjetin me…

LEXO ME SHUME
Categories Lajme

Del raporti, “Wiz Air” vonesa dhe anulime me 60 për qind të fluturimeve nga Tirana

Nje raport i fundit tregon se në Aeroportin e Tiranës jatë vitit te kaluar 2023…

LEXO ME SHUME
Categories Lajme

Shqiptari arratiset nga burgu në Zvicër

Një i burgosur u arratis nga burgu Uauuilermoos i Lucernit me kusht. Ai ishte dënuar…

LEXO ME SHUME
Categories Lajme

I riu dhunon 44-vjeçarin dhe e bën për spital, largohet nga vendngjarja me makinë!

Rreth orës 11:30, te ura e Cenit, për shkak të një konflikti për motive të…

LEXO ME SHUME