Lajme

Pra, by pasi i Vlorës u hap për qarkullim por a është kjo rrugë e sigurt për tu përdorur nga turistë që nuk e njohin terrenin?

Që prej datës 7 korrik bypassi i Vlorës u hap për qarkullimin e automjeteve. Ka qenë kryeministri Rama i shoqëruar nga ministrja e infrastrukturës Belinda Balluku ata që nga Kanina kanë inauguruar kështu hapjen e këtij aksi rrugor. Por a kanë përfunduar punimet në këtë aks?

Makineritë e tonazhit të rëndë gjenden ende në terren duke punuar me pjesët anësore të rrugës duke bllokuar në disa pjesë një aks rrugor. Barrierat anësore të bypasit nuk kanë përfunduar ende. Teksa po punohet me ndërtimin e mureve të betonit në pjesët anësore. Në disa pjesë të aksit nuk është hedhur ende shtresa e fundit e asfaltit, ndërsa puna nuk ka përfunduar as në ndërtimin e kanaleve ujëmbledhës anësor.

Ajo çka e bën të rrezikshëm aksin për tu përdorur janë tonet e dherave e të gurëve që gjenden në krahë të kodrave ku rruga kalon. Mos përfundimi i ndërtimit të mureve të betonit shton rrezikun e shkarjes së tyre në rrugë. Mungesa e barrierave të metalit në krahun e poshtëm përbëjnë rrezik në ato pjesë të aksit ku rruga rezulton e rreshkiyshme për shkak të pjerrtësisë.

Sinjalistika në tabelat orientuese mbetet ende e paplotë, ndërsa mungojnë edhe ngjyroset fosforishente për të orientuar drejtuesit e automjeteve gjatë orëve të natës.

Pra, by pasi i Vlorës u hap për qarkullim por a është kjo rrugë e sigurt për tu përdorur nga turistë që nuk e njohin terrenin? Ajo që vihet re, është nxitimi për ta bërë rrugën të aksesueshme edhe pse projekti ende nuk ka përfunduar.

Kjo edhe për faktin se punimet në këtë projekt tashmë kanë tejkaluar afatet përfundimtare. Afatet sipas ministrisë u shkelën për shkak të vështirësive që u hasën në terren në zbatim të tij. E me këto ritme, edhe pse rruga u inauguru, nuk dihet se kur do të jetë e përfunduar totalisht.Nga Afrovita Hysaj

Artikuj të ngjashëm

Leave a Reply

Your email address will not be published. Required fields are marked *

Back to top button
Close