Categories Lajme

Presidenti Meta dekoron historianin, publicistin e shquar Nikolla Sudar me Titullin “Mjeshtër i Madh”

Presidenti i Republikës, Ilir Meta, dekoroi me Titullin “Mjeshtër i Madh” historianin, përkthyesin dhe publicistin e shquar shijakas me origjinë malazeze, Nikolla Sudar, me motivacionin: “Në shenjë vlerësimi ndaj kontributeve të çmuara të dhëna për hulumtimin, dokumentimin, studimin dhe botimin e vlerave të rralla të traditave të shquara të trevës së Shijakut, duke i shpalosura botërisht edhe me hapjen e Muzeut Historik të Shijakut. Me mirënjohje institucionale për veprimtarinë e spikatur si historian, publicist dhe përkthyes, i cili u ka dhuruar lexuesve shqiptarë, të përkthyera në gjuhën shqipe, vepra nga shkrimtarët e mëdhenj bashkëkohorë”.

Në fjalën përshëndetëse drejtuar të pranishmëve në ceremoninë solemne, Kreu i Shtetit shqiptar u shpreh: “Të nderuar pjesëmarrës, jam i lumtur që ndodhemi së bashku, për të vlerësuar historianin, përkthyesin dhe publicistin e njohur zotin Nikolla Sudar. Zoti Nikolla Sudar, lindi në Shijak në një familje të nderuar me tradita atdhetare dhe me origjinë malazeze.

Babai i tij Petar Sudar, u internua nga fashistët në Shijak dhe aty gjeti një mbështetje dhe solidaritet të jashtëzakonshëm nga familjet shijakase, që rrezikuan jetën e tyre për t’i mbrojtur gjatë periudhës së luftës. Mirënjohja e zotit Petar Sudar ishte aq e madhe, sa ia shpërbleu këtë bujari dhe mikpritje popullit shqiptar, duke dalë partizan në moshën 60-vjeçare dhe duke luftuar për çlirimin e vendit tonë.

Zoti Nikolla u lind dhe u rrit me dashuri për vendin e tij të lindjes, për Shqipërinë dhe qytetin e tij Shijakun dhe gjatë gjithë jetës së tij ka punuar me përkushtim dhe mirënjohje. Aktiviteti i tij rreth 55-vjeçar është i gjithanshëm, teksa pasioni i tij i madh, gjatë gjithë jetës, mbeti hulumtimi dhe nxjerrja në dritë e historikut të trevës së Shijakut, nga lashtësia deri në ditët e sotme.

Për më shumë se 14 vite, zoti Sudar u mor me grumbullimin e materialeve të shumta gojore dhe dokumentare, të cilat bashkë me materialet e Arkivit Qendror të Shtetit dhe të rrethit të Durrësit, do të shërbenin si boshti kryesor për ngritjen dhe funksionimin e muzeut historik të Shijakut. Ky institucion kulturor, i pari i këtij lloji në Shijak, përgjatë 20 viteve të ekzistencës së tij, bëri punë të jashtëzakonshme hulumtuese dhe evidentuese për njohjen e traditave më të mira të trevës së Shijakut.

Vetë kreshniku i maleve, Bajram Curri, rreth 100 vjet më parë, ndërsa ishte i ngarkuar në zonën e Durrësit, për të evidentuar e eliminuar elementët esadistë, është shprehur për këtë trevë: ‘Shijaku me plot kuptimin e fjalës mund të quhet Malësia e Madhe e Shqipërisë së Mesme’.

Përkushtimi i zotit Sudar për vendlindjen e tij, Shijakun, vazhdoi edhe pas daljes së tij në pension në vitin 1997, në një moment të vështirë për vendin, kur me kujdesin e tij arriti të shpëtonte trashëgiminë historike të grumbulluar për dekada me radhë në muze. Tashmë, zoti Sudar është larguar prej vitesh nga vendlindja, por nuk i ka shkëputur kurrë lidhjet me të, duke vazhduar të botojë artikuj studimorë, kryesisht për Shijakun.

Si përkthyes, zoti Sudar i ka sjellë gjuhës shqipe vepra të kalibrit ndërkombëtar dhe zëra të njohur të letërsisë botërore. Për gjithë kontributin e tij të jashtëzakonshëm, në hulumtimin dhe botimin e vlerave dhe traditave të shquara të trevës së Shijakut, por edhe si publicist e përkthyes, kam kënaqësinë të vlerësoj zotin Nikolla Sudar me Titullin e lartë ‘Mjeshtër i Madh’. Urime dhe sa më shumë vepra të reja dhe të suksesshme në të ardhmen.”

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

SPAK sekuestron pasuritë e dy ortakëve të Evis Berberit (Emrat)

SPAK ka sekuestruar pasuritë e dy ortakëve të Evis Berberit, biznesmenëve Valter Begaj  dhe Ervis…

LEXO ME SHUME
Categories Lajme

EMRI/ Vdes në punë shqiptari në Itali, baba i katër fëmijëve

Një shqiptar vdiq i shtypur nga një ngarkesë që peshonte mbi një ton ndërsa po…

LEXO ME SHUME
Categories Lajme

Beleri dhe Goro në burg, pas tensioneve në Këshillin bashkiak të Himarës, zgjidhet kryetari i komanduar

Blerina Balaj është zgjedhur kryetare e komanduar e Bashkisë Himarë pas mbledhjes me tensione në…

LEXO ME SHUME
Categories Lajme

Ngjarja në Memaliaj, policia: 41-vjeçari qëlloi në ajër për të kanosur dy persona

Një person ka qëlluar në ajër në Memaliaj ditën e djeshme dhe si pasojë e të…

LEXO ME SHUME
Categories Lajme

Emërimi i kryetarit të përkohshëm deri në zgjedhjet e reja, mblidhet këshilli bashkiak i Himarës! Banorët përplasen me policinë

Sot në orën 10:30 nisi mbledhja e radhës në këshillin e Bashkisë së Himarës ku…

LEXO ME SHUME