Categories Lajme

Presidenti Meta: Sigurimi i internetit në çdo cep të vendit. Pa shkollë s’ka dituri e pa dituri s’ka liri e as jetë

Në Ditën Ndërkombëtare të Mësuesit, në Presidencë janë vlerësuar disa nga mësimdhënësit më të spikatur në Shqipëri. Presidenti i Shqipërisë, Ilir Meta teksa ka vlerësuar Ndrec Ndue Gjokën si mësuesin simbol të arsimit në vend, dha edhe mesazhin që ”rritja e investimeve në arsim, pajisja e mësuesve me aftësi digjitale, apo sigurimi i internetit në çdo cep të vendit, janë disa masa që duhen marrë urgjentisht, në mënyrë që kriza që po kalojmë, të mos kthehet në një katastrofë për vendin dhe të ardhmen e tij”, shkruan kreu i shtetit në facebook.

Postimi i plotë

Dita Ndërkombëtare e Mësuesit, na kujton sot rolin thelbësor të mësuesit për zhvillimin e shoqërisë, nëpërmjet edukimit cilësor, gjithëpërfshirës e patriotik, si dhe shtron nevojën e përhershme për të dëgjuar me kujdes dhe në çdo kohë zërin e mësuesve dhe zgjidhjen e kërkesave të tyre.

Ky vit, me pandeminë Covid-19, shtoi akoma më shumë sfidat me të cilat ndeshen mësuesit dhe nxorri në pah problematikat e rënda të sistemit tonë arsimor. Rritja e investimeve në arsim, pajisja e mësuesve me aftësi digjitale, apo sigurimi i internetit në çdo cep të vendit, janë disa masa që duhen marrë urgjentisht, në mënyrë që kriza që po kalojmë, të mos kthehet në një katastrofë për vendin dhe të ardhmen e tij.

Në këtë Ditë të rëndësishme, pata kënaqësinë të vlerësoj disa mësues shqiptarë të spikatur, të cilët jo vetëm kanë përçuar vlera të larta qytetarie e përkushtimi, por me shembullin e dhënë janë kthyer në burim frymëzimi për mijëra nxënës dhe kolegë të tyre.

Vlerësimi i parë shkon për një mësues, simbol i arsimit në Shqipëri, Ndrec Ndue Gjoka, i cili gjatë gjithë jetës së tij, ndezi dhe ngriti peshë zemrat e fëmijëve, duke ju mësuar shkrim e këndim dhe duke ju rrënjosur dashurinë për arsimin e për Atdheun. Ai ishte mësuesi i shkronjave, mësues i popullit, që kontribuoi për hapjen e mëse 50 shkollave të gjuhës shqipe, dhe që flijoi jetën për kauzën e shenjtë të arsimit.

“Kurrë mos e harroni shkollën. Kjo na jep dritë. Pa shkollë s’ka dituri e pa dituri s’ka liri e as jetë”,-ka thënë mësuesi Ndrec Ndue Gjoka, duke ndjekur shembullin dhe rrugën e mësuesve atdhetarë të Rilindjes Kombëtare, të cilët sakrifikuan deri jetën e tyre, për shkollën dhe gërmat shqipe, si Petro Nini Luarasi e shumë të tjerë.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Dita e sotme me kthjellime dhe vranësira. Temperatruat do te jenë me rritje

Anticikloni subtropikal po ndikon Europën Juglindore, ku presim stabilitet të kushteve atmosferike në territorin e…

LEXO ME SHUME
Categories Lajme

Ngacmimi nga interneti, Tirana në vend të parë për numrin e denoncimeve. Kuçova renditet e dyta

Bullizimi dhe dhuna përmes rrjeteve sociale po përhapet edhe në qytete të vogla. Kuçova, është…

LEXO ME SHUME
Categories Lajme

Horoskopi, 29 Mars 2024

Dashi Kjo ditë do ju gjejë më produktiv dhe krijues, qoftë në sferën profesionale edhe…

LEXO ME SHUME
Categories Lajme

SPAK lëshon 9 urdhër-arreste për ish-zyrtarë së Bashkisë Tiranë e biznesmenë (Emrat)

Disa ish-zyrtarë të Bashkisë së Tiranës kanë përfunduar në prangat e policisë me urdhër të…

LEXO ME SHUME
Categories Lajme

Përplasi makinën me të cilën po transportonte emigrantët e paligjshëm dhe u largua, arrestohet italiani në Korçë

Policia ka arrestuar në Korçë një shtetas italian, Massimo Compagnone, i cili përplasi automjetin me…

LEXO ME SHUME