Jemi në një kohë krizash të shumta. Një vajzë e vogël u shit për më pak se 400 paund, pasi kriza humanitare në Afganistan përkeqësohet dhe miliona njerëz përballen me urinë. Nëna tha se ishte e detyruar të shiste vajzën sepse pjesa tjetër e fëmijëve të saj ishin të uritur për ushqim.
”Fëmijët e mi të tjerë po v disnin nga uria, kështu që na u desh të shisnim vajzën time. Si të mos trishtohem, ajo është vajza ime. Do të doja të mos e kisha shitur vajzën time”.
Burri i saj nuk fiton më rrogë pasi punëtorët e sektorit publik kanë mbetur pa gjë që kur talebanët morën pushtetin. Qeveritë e huaja tërhoqën gjithashtu fondet e ndihmës.
”Ne jemi të uritur. Nuk kemi asgjë. Vajza ime nuk e di se cila do të jetë e ardhmja e saj. Nuk e di se si do të ndihet ajo për këtë. Unë duhej ta bëja”. Kur vajza të jetë në gjendje të ecë, shpjeguan prindërit, ajo do të merret nga blerësi.