Lajme

Prizren/ Pas ‘Kobrës’, në pranga një tjetër i dyshuar

Një tjetër person, identiteti i të cilit ende nuk bëhet i ditur është arrestuar si i dyshuar për vrasjen në lokalin ‘Kobra’ në Prizren ku humbi jetën 31-vjeçari nga Kukësi Visart Cengu dhe mbeti i plagosur shoku i tij Rufgen Shehu. Lajmi është bërë i ditur nga policia e Kosovës, teksa nuk jep detaje mbi rolin që ka pasur ai.

“Rr. Tahir Sinani, Prizren 03.01.2023 – 04:00. Lidhur me rastin, është arrestuar edhe një i dyshuar mashkull kosovar. Me vendim të prokurorit i dyshuari është dërguar në paraburgim”, thuhet në njoftimin e policisë. Lidhur me ngjarjen, Gjykata e Prizrenit ka lënë në burg Dibran Hoxha, i cili është i dyshuari kryesor  dhe akuzohet për vrasjen e të riut e plagosjen e mikut të tij.

Dinamika e ngjajes së rëndë në Prizren:

Një konflikt për një faturë 400 euro në një lokal nate mes pronarit në Prizren dhe 3 të rinjve nga Kukësi ka përfunduar në të shtëna me armë. Për pasojë ka mbetur i vdekur 31-vjeçari i identifikuar si Visart Cengu nga Kukësi. Ngjarja ndodhi në të gdhirë të 3 janarit në lokalin e ‘Kobrës’, i identifikuar si Dibran Hoxhaj për një faturë të papaguar.

Viktima bashkë me 2 shokët e tij, Arben Basha dhe Rufgen Shehu, 27 vjeç janë konfliktuar me grushte me Dibran Hoxhën, ku janë qëlluar me armë zjarri kur po largoheshin me automjet. I plagosur mbeti Rufgen Shehu. Të rinjtë nga Kukësi nuk ishin të armatosur.

Kush është autori?

Dibran Hoxhaj i njohur ndryshe si ‘Kobra’ ka qenë i dënuar më parë për trafik droge dhe përleshje fizike jashtë lokalit të tij në Prizren. Ai është personazh i njohur në rrjete sociale ku tregon jetën e tij të luksit me veshje të shtrenjta dhe makina luksoze ndërsa ‘identifikohet’ nga varësja me pllakë floriri. Pas kësaj ngjarjeje, mediat e kosovës raportuan se mbi të rëndonin mbi 100 akuza për vepra penale por gjithsesi ai ishte i lirë.

Artikuj të ngjashëm

Leave a Reply

Your email address will not be published.

Back to top button
Close